Web Desk

ലഖ്നൗ

February 28, 2020, 10:21 pm

ഹിന്ദു ദേവതകളുടെ ചിത്രങ്ങളുമായി മുസ്‌ലിം യുവതിയുടെ വിവാഹ ക്ഷണക്കത്ത്

Janayugom Online

ഉത്തർപ്രദേശിലെ മീറത്തിൽ വിവാഹ കാർഡിൽ ഹിന്ദു ദൈവങ്ങളുടെ ചിത്രങ്ങൾ അച്ചടിച്ച് മുസ്‌ലിം യുവതിയുടെ പിതാവ്. സാമുദായിക വിദ്വേഷം കൊടുമ്പിരികൊള്ളുന്ന ഈ സമയത്ത് വിവാഹത്തിനുള്ള ക്ഷണ കത്തിൽ ഗണപതിയുടെയും രാധാ-കൃഷ്ണന്റെയും ഫോട്ടോയും ഒപ്പം ‘ചന്ദ് മുബാറക്’ ഉം ആലേഖനം ചെയ്ത ക്ഷണക്കത്ത് ഹിന്ദു-മുസ്‌ലിം സൗഹൃദം പ്രകടിപ്പിക്കുന്നു. മകൾ അസ്മ ഖാറ്റൂണിന്റെ വിവാഹത്തിനുമുന്നോടിയായി പിതാവ് ഹസ്തിനപുർ സ്വദേശി മുഹമ്മദ് സറഫത്താണ് കാർഡ് തയ്യാറാക്കിയിരിക്കുന്നത്.

മാർച്ച് നാലിനാണ് മകളുടെ വിവാഹം, അപ്പോൾ ഈ സമയത്ത് ഇത്തരത്തിൽ ക്ഷണ കത്ത് ഉണ്ടാക്കിയാൽ നല്ലതാണെന്ന് ഞാൻ കരുതി, പ്രത്യേകിച്ചും സാമുദായിക വിദ്വേഷം വളരുമ്പോൾ. എന്റെ സുഹൃത്തുക്കൾ ഇതിനോട് വളരെ ക്രിയാത്മകമായി പ്രതികരിച്ചു, സരഫത്ത് പറഞ്ഞു. ‘എന്റെ ബന്ധുക്കളിൽ പലർക്കും ഹിന്ദി വായിക്കാൻ കഴിയില്ല, അവർക്കായി ഞാൻ ഉറുദുവിലും കാർഡുകൾ അച്ചടിച്ചു’. അദ്ദേഹം കൂട്ടിച്ചേർത്തു.

Eng­lish Sum­ma­ry; Mus­lim girl’s wed­ding invi­ta­tion let­ter with images of Hin­du Gods

YOU MAY ALSO LIKE THIS VIDEO