പ്രപഞ്ചത്തിന്റെ തെളിമയുള്ളതും വ്യക്തവുമായ ഇൻഫ്രാറെഡ് ചിത്രം പുറത്തുവിട്ട് നാസ. ജെയിംസ് വെബ് ദൂരദര്‍ശിനിയില്‍ നിന്നുള്ള ആദ്യ ചിത്രം യുഎസ് പ്രസിഡന്റ് ജോ ബെെഡനാണ് പുറത്തുവിട്ടത്. 13 ദശലക്ഷം വർഷങ്ങൾക്കു മുമ്പുള്ള പ്രപഞ്ചത്തെക്കുറിച്ച് പഠനം നടത്താൻ സഹായിക്കുന്നതാണ് ചിത്രം. പന്ത്രണ്ടര മണിക്കൂറെടുത്താണ് ചിത്രം പകർത്തിയതെന്ന് നാസ വ്യക്തമാക്കി.
ആകാശത്ത് ഒരു മണൽത്തരിയോളം പോന്ന ഇടത്തിലൂടെ ബഹിരാകാശ ദൂരദര്‍ശിനി ബാഹ്യപ്രപഞ്ചത്തിലേക്ക് ആഴത്തിൽ നോക്കിയപ്പോൾ ലഭിച്ച ദൃശ്യമാണിതെന്ന് നാസ അഡ്മിനിസ്‌ട്രേറ്റർ ബിൽ നെൽസൺ പറഞ്ഞു. ചിത്രത്തിന്റെ മുന്നിൽ പ്രകാശവാലുകളുള്ളവ നമ്മുടെ ഗാലക്‌സിയായ ക്ഷീരപഥത്തിലെ നക്ഷത്രങ്ങളാണ്.
കഴിഞ്ഞ വർഷം ഡിസംബർ 25ന് വിക്ഷേപിച്ച ജെയിംസ് വെബ്, ഹബിൾ സ്പേസ് ദൂരദർശിനിയുടെ പിൻഗാമിയായാണ് അറിയപ്പെടുന്നത്. ഇതിനു മുമ്പ് ശാസ്ത്രലോകത്തിന് പ്രപഞ്ചത്തിന്റെ ഇത്ര വ്യക്തതയുള്ള ചിത്രം പക‍ർത്താൻ സാധിച്ചിരുന്നില്ല. ലോകത്തിലെ ഏറ്റവും വ്യക്തതയുള്ള ദൂരദര്‍ശിനി ജെയിംസ് വെബ് എന്ന് സ്ഥിരീകരിക്കുന്നതാണ് നാസ പുറത്തുവിട്ടിരിക്കുന്ന ചിത്രം.
English Summary:NASA has released the first image from the James Webb Telescope
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.