നാവികസേനയ്ക്കായി മിസൈലുകൾ വാങ്ങുന്നതിന് ബ്രഹ്മോസ് എയ്‌റോസ്‌പേസുമായി പ്രതിരോധ മന്ത്രാലയം കരാര്‍ ഒപ്പുവച്ചു. 1700 കോടി രൂപ മുടക്കി ആത്മനിർഭർ ഭാരത് പദ്ധതിയുടെ ഭാഗമായി 35 മിസൈലുകളാണ് വാങ്ങുക. ഇന്ത്യയും റഷ്യയും തമ്മിലുള്ള സംയുക്ത സംരംഭമാണ് ബ്രഹ്മോസ് എയ്‌റോസ്‌പേസ്.
കരാർ പ്രകാരം രണ്ട് പ്രോജക്റ്റ് 15 ബി കപ്പലുകൾക്കായി 35 പോരാട്ട മിസൈലുകളും, മൂന്ന് പരിശീലന ബ്രഹ്മോസ് മിസൈലുകളും നല്‍കണം. ഇത് പുതിയ സർഫൈസ് ടു സർഫൈസ് മിസൈലുകളുടെ നിര്‍മ്മാണം വർധിപ്പിക്കുന്നതിന് നിർണായക സംഭാവന നൽകും.
നിലവിൽ വിശാഖപട്ടണം ക്ലാസിന് കീഴിൽ, മൊത്തം നാല് യുദ്ധക്കപ്പലുകൾ ഉൾപ്പെടുത്താൻ ആഭ്യന്തര മന്ത്രാലയം പദ്ധതിയിട്ടിട്ടുണ്ട്.
വിശാഖപട്ടണം, മോർമുഗാവോ, ഇംഫാൽ, സൂറത്ത് എന്നിവിടങ്ങളിലായിരിക്കും പുതിയ യുദ്ധക്കപ്പലുകളെത്തുക. ഈ മാസം ആദ്യം ഇന്ത്യൻ നാവികസേന ആദ്യമായി തദ്ദേശീയ വിമാനവാഹിനിക്കപ്പൽ ഐഎന്‍എസ് വിക്രാന്ത് കൊച്ചിയിൽ കമ്മിഷൻ ചെയ്തിരുന്നു.
English Summary: Navy buys BrahMos missiles
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.