14 July 2024, Sunday
KSFE Galaxy Chits

പുന്നമടക്കായലില്‍ ജല മാമാങ്കം നാളെ

ടി കെ അനിൽകുമാർ
ആലപ്പുഴ
August 11, 2023 8:18 am

കരയിലും കായലിലും ആവേശത്തിര തീർക്കാൻ പുന്നമടക്കായലൊരുങ്ങി. ഓളപ്പരപ്പിലെ ഒളിമ്പിക്സ് എന്ന വിളിപ്പേരുള്ള നെഹ്രുട്രോഫി ജലോത്സവം നടക്കുമ്പോൾ ഇനി എല്ലാ കണ്ണുകളും പുന്നമടയിലേക്ക്. തുഴത്താളത്തിന്റെ ആവേശത്തിലലിയാൻ ലോകമെമ്പാടുമുള്ള വള്ളംകളി പ്രേമികൾ ആലപ്പുഴയിലേക്ക് ഒഴുകിയെത്തും. ഹൈക്കോടതി ചീഫ് ജസ്റ്റിസ്, സതേൺ എയർ കമാന്റിങ് ഇൻ ചീഫ്, മന്ത്രിമാർ, ജനപ്രതിനിധികൾ തുടങ്ങിയവർ ചടങ്ങുകളിൽ പങ്കെടുക്കും. ഒമ്പത് വിഭാഗങ്ങളിലായി 72 വള്ളങ്ങളാണ് ഇക്കുറി നെഹ്രുട്രോഫിയിൽ മാറ്റുരയ്ക്കുന്നത്.

ചുണ്ടൻ വള്ളങ്ങളുടെ വിഭാഗത്തിൽ 19 വള്ളങ്ങളുണ്ട്. ചുരുളൻ ‑മൂന്ന്,­ ഇരുട്ടുകുത്തി എ ഗ്രേഡ് ‑നാല്, ഇരുട്ടുകുത്തി ബി ഗ്രേഡ് ‑15, ഇരുട്ടുകുത്തി സി ഗ്രേഡ് ‑13, വെപ്പ് എ ഗ്രേഡ് ‑ഏഴ്, വെപ്പ് ബി ഗ്രേഡ് ‑നാല്, തെക്കനോടി തറ‑മൂന്ന്, തെക്കനോടി കെട്ട് ‑നാല് എന്നിങ്ങനെയാണ് മറ്റു വിഭാഗങ്ങളിൽ മത്സരിക്കുന്ന വള്ളങ്ങളുടെ എണ്ണം. ഇൻഫ്രാസ്ട്രക്ചർ കമ്മിറ്റിയുടെ നേതൃത്വത്തിൽ നെഹ്രു പവലിയന്റെയും താല്കാലിക ഗാലറികളുടെയും നിർമ്മാണം അവസാന ഘട്ടത്തിലാണ്. യന്ത്രവല്‍ക്കൃത സ്റ്റാർട്ടിങ് സംവിധാനവും ഫോട്ടോ ഫിനിഷിങ് സംവിധാനവും സജ്ജമാണ്.

2017ന് ശേഷം ആദ്യമായാണ് നെഹ്രുട്രോഫി ടൂറിസം കലണ്ടർ പ്രകാരം തന്നെ ഓഗസ്റ്റ് 12ന് തിരിച്ചെത്തുന്നത്. കഴിഞ്ഞ വർഷം സിബിഎല്ലിന്റെ ഭാഗമായാണെങ്കിൽ ഇത്തവണ തനതായാണ് സംഘടിപ്പിക്കുന്നത്. ആവേശപ്പോരിൽ ജേതാക്കളാകാൻ മാസങ്ങൾക്ക് മുമ്പ് തന്നെ ചുണ്ടൻ വള്ളങ്ങൾ പരിശീലനം ആരംഭിച്ചിരുന്നു. വള്ളംകളിക്ക് സുരക്ഷയൊരുക്കാൻ 15 സെക്ടറുകളായി തിരിച്ച് രണ്ടായിരത്തോളം പൊലീസുകാരെ വിന്യസിക്കും.

Eng­lish Sum­ma­ry: nehru tro­phy boat race
You may also like this video

TOP NEWS

July 14, 2024
July 14, 2024
July 13, 2024
July 13, 2024
July 13, 2024
July 13, 2024

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.