Web Desk

February 22, 2020, 4:14 pm

സഞ്ചാരികൾക്കൊരു സന്തോഷ വാർത്ത; ഇന്ത്യയിൽ നിന്നും മ്യാൻമറിലേക്ക് ഒരു ബസ്!

Janayugom Online

യാത്രയെ സ്നേഹിക്കുന്നവർക്കൊരു സന്തോഷ വാർത്ത. ഇന്ത്യയെയും മ്യാൻമാറിനെയും ബന്ധപ്പിച്ചു കൊണ്ട് പുതിയ ബസ് സർവീസ് വരുന്നു. ഏപ്രിൽ മാസം മുതൽ സർവീസ് ആരംഭിക്കാനാണ് തീരുമാനം. ഇന്ത്യയുടെ വടക്കുകിഴക്കൻ സംസ്ഥാനമായ മണിപ്പൂരിൽ നിന്ന് മ്യാൻമാറിലെ മൻഡലായിലേക്കാണ് ബസ് റൂട്ട് വരുന്നത്. സഞ്ചാരികളുടെ ഏറെ നാളത്തെ കാത്തിരിപ്പിന് വിരാമമിട്ടു കൊണ്ടാണ് പുതിയ ബസ് സർവീസ് തുടങ്ങുന്നത്.

ബസ് സർവീസ് ആരംഭിക്കുന്നതോടെ ഇരു രാജ്യങ്ങളും തമ്മിലുള്ള സൗഹൃദം കൂടുതൽ ദൃഢമാകുമെന്ന് മണിപ്പൂർ മുഖ്യമന്ത്രി പറഞ്ഞു. ടൂറിസം, വിദ്യാഭ്യാസം, ആരോഗ്യം എന്നീ മേഖലകളിൽ ഈ സർവീസ് ഉപകാരപ്രദമാകുമെന്നു മന്ത്രി കൂട്ടിച്ചേർത്തു.

579 കിലോമീറ്റർ ദൂരമാണ് ബസ് പിന്നിടുന്നത്. തുടക്കത്തിൽ ആഴ്ചയിൽ മൂന്ന് ദിവസം മാത്രമേ സർവീസ് നടത്തുകയുള്ളു. തുടർന്ന് ദിനം പ്രതി സർവീസ് നടത്താനുകുമെന്നാണ് അധികൃതരുടെ പ്രതീക്ഷ.ഏപ്രിൽ ഏഴിന് ആദ്യ സർവീസ് തുടങ്ങും.

ENGLISH SUMMARY: new bus root from India to Myanmar

YOU MAY ALSO LIKE THIS VIDEO