Web Desk

തിരുവനന്തപുരം

April 24, 2020, 10:02 pm

സംസ്ഥാനത്തെ പുതിയ തീവ്രബാധിത പ്രദേശങ്ങള്‍ ഇവ !

Janayugom Online

തിരുവനന്തപുരം കോർപ്പറേഷനെ ഹോട്ട് സ്പോട്ട് പട്ടികയിൽ നിന്ന് ഒഴിവാക്കി. കോർപ്പറേഷനിലെ അമ്പലത്തറ, കളിപ്പാകുളം വാർഡുകൾ മാത്രമാണ് ഇനി ഹോട്ട് സ്പോട്ടുകൾ. അതേസമയം വർക്കലയെ വീണ്ടും ഹോട്ട് സ്പോട്ട് പട്ടികയിൽ ഉൾപ്പെടുത്തി.

ഇനി ജില്ലയിൽ തിരുവനന്തപുരം കോർപ്പറേഷനിലെ രണ്ടു വാർഡുകളും വർക്കല മുൻസിപ്പാലിറ്റിയും ഒഴികെയുള്ള പ്രദേശങ്ങൾ ഓറഞ്ച് കാറ്റഗറിയിൽ ആയിരിക്കും. ഓറഞ്ച് കാറ്റഗറിയിൽ ഉൾപ്പെട്ടിട്ടുള്ള പ്രദേശങ്ങൾ പിൻതുടരേണ്ട നിബന്ധനകൾ ഹോട്ട് സ്പോട്ടുകൾ ഒഴികെയുള്ള സ്ഥലങ്ങളിൽ പ്രാബല്യത്തിലുണ്ടായിരിക്കും.

ഇതോടൊപ്പം ഇടുക്കിയിലെയും കോട്ടയത്തേയും 3 പഞ്ചായത്തുകൾ പുതിയതായി ഹോട്ട് സ്പോട്ട് പ്രദേശങ്ങളിലുള്‍പ്പെടുത്തി. ഇടുക്കി ജില്ലയിലുള്‍പ്പെടുന്ന വാഴത്തോപ്പ്, നെടുങ്കണ്ടം, ഏലപ്പാറ എന്നീ പ്രദേശങ്ങളും കോട്ടയം ജില്ലയിലെ വിജയപുരം, പനച്ചിക്കാട്, കോട്ടയം നഗരസഭ എന്നിവിടങ്ങളുമാണ് പുതിയതായി ഹോട്ട് സ്പോട്ട് ലിസ്റ്റില്‍ ഉള്‍പ്പെട്ടത്.