കൊറോണ വൈറസ് ബാധിതരിൽ കണ്ടു വരുന്ന പുതിയ രോഗ ലക്ഷണങ്ങൾ ഇങ്ങനെ. സെൻറേർസ് ഫോർ ഡിസീസ് കൺട്രോൾ ആൻഡ് പ്രിവൻഷൻ ആണ് കോവിഡ് ലക്ഷണങ്ങളുടെ പട്ടികയിലേക്ക് ആറ് പുതിയ ലക്ഷണങ്ങൾ കൂടി ഞായറാഴ്ച കൂട്ടിച്ചേർത്തത്.

-ജലദോഷം, തണുപ്പോട് കൂടി ഇടയ്ക്കിടെയുണ്ടാവുന്ന വിറയൽ, മസിൽ വേദന, തലവേദന, തൊണ്ടവേദന, മണവും രുചിയും നഷ്ടപ്പെടുക തുടങ്ങിയവയാണ് പുതിയ ലക്ഷണങ്ങളുടെ കൂട്ടത്തിൽ ഉൾപ്പെടുത്തിയിരിക്കുന്നത്. നേരത്തെ ഉണ്ടായിരുന്ന പനി, ചുമ, ശ്വാസതസ്സം എന്നിവയ്ക്ക് പുറമേയാണിത്.

-ഈ ലക്ഷണങ്ങൾ കോവിഡ് ബാധിതനായ ശേഷം 2 മുതൽ 14 വരെയുള്ള ദിവസങ്ങളിൽ കാണിച്ചേക്കാം

-ഇത് കൂടാതെ പെട്ടെന്ന് മെഡിക്കൽ ശ്രദ്ധ ആവശ്യമുള്ള ശ്വാസ തടസ്സം, നെഞ്ചിലുണ്ടാവുന്ന വേദന അല്ലെങ്കിൽ സമ്മർദ്ദം, ആശയക്കുഴപ്പം, നീലച്ച ചുണ്ടുകളും മുഖവും എന്നീ അടിയന്തിര മുന്നറിയിപ്പ് അടയാളങ്ങളും സിഡിസി പങ്ക് വെച്ചിട്ടുണ്ട്.

-ഇത് എല്ലാ ലക്ഷണങ്ങളും ഉൾപ്പെടുത്തിയിരിക്കുന്നതല്ല. കോവിഡ് 19 റിപോർട്ട് ചെയ്തിട്ടുള്ളവരിൽ സിഡിസി പറയുന്നതനുസരിച്ച് മറ്റ് ലക്ഷണങ്ങളും കണ്ടിട്ടുണ്ട്.

-മുകളിൽ കൊടുത്തിട്ടുള്ള ഏതെങ്കിലും 9 ലക്ഷണങ്ങൾ നിങ്ങളിൽ കാണുകയാണെങ്കിൽ ഉടനെ തന്നെ ചികിത്സ തേടേണ്ടതാണ്.

കോവിഡ് ബാധിതരുടെ എണ്ണം ക്രമാതീതമായി വർധിക്കുന്ന സാഹചര്യത്തിൽ പ്രതിരോദ പ്രവർത്തനങ്ങളുടെ ഭാഗമായാണ് ഈ ലക്ഷണങ്ങൾ കൂടെ ഉള്ളവർ അടിയന്തര വൈദ്യ പരിശോധന നേടണം എന്നു നിർദ്ദേശിക്കുന്നത്.