വഞ്ചന കുറ്റം: നീരവ്​ മോഡിയുടെ അപേക്ഷ ന്യൂയോർക്ക്​ കോടതി തള്ളി

ബാങ്കുകളിൽനിന്ന്​ വായ്​പയെടുത്ത്​ മുങ്ങിയ വജ്ര വ്യാപാരി നീരവ്​ മോഡി തനിക്കെതിരായ വഞ്ചന കുറ്റം റദ്ദാക്കണമെന്ന് ആവശ്യപ്പെട്ട് നൽകിയ അപേക്ഷ ന്യൂയോർക്ക്​ കോടതി തള്ളി.നീരവ്​ മോഡിയുടെ ബിനാമി കമ്പനികളായ ഫയർസ്റ്റാർ ഡയമണ്ട്​, എ ജാഫി, ഫാന്റസി എന്നിവയുമായി ബന്ധപ്പെട്ട കേസിലാണ്​ വിധി. കോടതി നിയോഗിച്ച ട്രസ്റ്റി റിച്ചാർഡ്​ ലെവിൻ നീരവ്​ മോഡിക്കെതിരായ റിപ്പോർട്ട്​ കോടതിയിൽ സമർപ്പിച്ചിരുന്നു.
നീരവ്​ മോഡിയെ കൂടാതെ മിഹിർ ബൻസാലി, അജയ്​ ഗാന്ധി എന്നിവരും കേസിൽ ഉൾപ്പെടും. ഇവരുടെ തട്ടിപ്പിനെ തുടർന്ന്​ സാമ്പത്തിക നഷ്​ടത്തിന്​ ഇരയായവർക്ക്​ 15 മില്യൺ ഡോളറെങ്കിലും നഷ്​ടപരിഹാരം നൽകണമെന്ന്​ ലെവിൻ കോടതിയെ അറിയിച്ചിരുന്നു. ലെവിൻ കോടതിയിൽ സമർപ്പിച്ച റിപ്പോർട്ടുകൾ തള്ളണമെന്നാവശ്യപ്പെട്ടായിരുന്നു നീരവ്​ മോഡിയുടെ ഹർജി. വഞ്ചന, വിശ്വാസപരമായ ചുമതലകളുടെ ലംഘനം തുടങ്ങിയവയാണ്​ നീരവ്​ മോഡിക്കെതിരെ ചുമത്തിയ കുറ്റങ്ങൾ. 

പഞ്ചാബ്​ നാഷനൽ ബാങ്കിൽനിന്നും മറ്റും കോടികൾ തട്ടുന്നതിനായി ​നീരവ്​ മോഡി കമ്പനിയിൽ വ്യാജ വിൽപ്പന രേഖകൾ സൃഷ്​ടിച്ചതായും ഓഹരി വിലയും കമ്പനി മൂല്യവും ഉയർത്തിക്കാട്ടാൻ കൃത്രിമമായി ശ്രമിച്ചുവെന്നും 60 പേജ്​ വരുന്ന റിപ്പോർട്ടിനെ ഉദ്ധരിച്ച്​ ഇന്ത്യൻ അമേരിക്കൻ അറ്റോർണി രവി ബത്ര പറഞ്ഞു.പഞ്ചാബ്​ നാഷനൽ ബാങ്കിൽനിന്ന്​ 14,000 കോടി രൂപയുടെ വായ്​പ തട്ടിപ്പ്​ നടത്തിയശേഷം ഇംഗ്ലണ്ടിലേക്ക്​ കടക്കുകയായിരുന്നു നീരവ്​ മോഡി. നിലവിൽ യുകെയിലെ ജയിലിലാണ്​ നീരവ്​ മോഡി.
eng­lish summary;New York court rejects Neer­av Mod­i’s plea
you may also like this video;