കോവിഡിന്റെ രണ്ടാം വ്യാപനത്തില്‍ വലയുന്ന ഇന്ത്യക്ക് സഹായം വാഗ്ദാനം ചെയ്ത് ന്യൂസിലാന്‍ഡ്. ഇന്ത്യയിൽ നിന്ന്​ പുറത്ത്​ വരുന്ന ചിത്രങ്ങൾ അസ്വസ്ഥതയുണ്ടാക്കുന്നതാണെന്ന്​ ന്യൂസിലാൻഡ്​ പ്രധാനമന്ത്രി ജസീന്ത ആർഡൻ പറഞ്ഞു. ഇന്ത്യയുമായി താരതമ്യം ചെയ്യു​മ്പോൾ ഞങ്ങൾ ചെറിയ രാജ്യമാണ്. പക്ഷേ അത്​ ഇന്ത്യയോടുള്ള ഐക്യദാർഢ്യം പ്രകടിപ്പിക്കുന്നതിനും പിന്തുണ നൽകുന്നതിനും തടസമല്ല. അതിനാൽ ഒരു മില്യൺ ന്യൂസിലാൻഡ്​ ഡോളറി​ന്റെ സഹായം ഇന്ത്യക്ക്​ നൽകുകയാണെന്ന്​ ജസീന്ത ആർഡേൻ പ്രഖ്യാപിച്ചു.

ഇന്ത്യ റെഡ്​ ക്രോസ്​ സൊസൈറ്റിക്കാകും ന്യൂസിലാന്‍ഡ് തുക കൈമാറുക. ഓക്സിജൻ സിലിണ്ടറുകൾ, ഓക്സിജൻ കോൺസെന്‍ട്രേറ്ററുകൾ, മറ്റ്​ അത്യാവശ്യ മെഡിക്കൽ ഉപകരണങ്ങൾ എന്നിവ വാങ്ങാൻ സംഘടന ഈ തുക വിനിയോഗിക്കും. ഇതിനൊപ്പം ആംബുലൻസ്​ ഉൾപ്പെടെയുള്ള സൗകര്യങ്ങളും ഇന്ത്യക്ക്​ നൽകും. നേരത്തെ യുഎസ്​, ജർമ്മനി, റഷ്യ, ഫ്രാൻസ്​, യുഎഇ തുടങ്ങി നിരവധി രാജ്യങ്ങൾ ഇന്ത്യക്ക്​ സഹായവാഗ്ദാനം നല്‍കിയിട്ടുണ്ട്.

ENGLISH SUMMARY:New Zealand announces aid to India
You may also like this video