September 29, 2022 Thursday

Related news

September 27, 2022
September 26, 2022
September 24, 2022
September 23, 2022
September 22, 2022
September 22, 2022
September 22, 2022
September 19, 2022
September 18, 2022
September 14, 2022

ഇരുപതു തവണയായി 88.5 കിലോ സ്വർണം കടത്തി: എൻഐഎ കോടതിയിൽ

Janayugom Webdesk
കൊച്ചി:
September 19, 2020 4:21 pm

നയതന്ത്ര ചാനൽ വഴി 88.5 കിലോഗ്രാം സ്വർണം കടത്തിയതായി, കള്ളക്കടത്തു കേസിലെ ഏഴാം പ്രതി മുഹമ്മദ് ഷാഫി സമ്മതിച്ചതായി ദേശീയ അന്വേഷണ ഏജൻസി. കോടതിയിൽ സമർപ്പിച്ച റിപ്പോർട്ടിലാണ് എൻഐഎ ഇക്കാര്യം വ്യക്തമാക്കിയത്.

ഇരുപതു തവണ നയതന്ത്ര ബാഗേജ് വഴി സ്വർണം കടത്തിയതിൽ തനിക്കു പങ്കുണ്ടെന്ന്, മലപ്പുറം സ്വദേശിയായ ഷാഫി സമ്മതിച്ചതായി റിപ്പോർട്ടിൽ പറയുന്നു. യുഎഇയിൽനിന്ന് 88.5 കിലോഗ്രാം സ്വർണം ഇത്തരത്തിൽ കടത്തി. ഇതിൽ 47.5 സ്വർണം അയച്ചത് താനും കൂട്ടാളികളുമാണെന്നും ഷാഫി ചോദ്യം ചെയ്യലിൽ സമ്മതിച്ചു. ഈ സ്വർണം നയതന്ത്ര ബാഗേജിൽ ഒളിപ്പിക്കുന്നതിലും താൻ പങ്കാളിയായിട്ടുണ്ടെന്ന് ഷാഫി പറഞ്ഞതായി റിപ്പോർട്ടിൽ വ്യക്തമാക്കിയിട്ടുണ്ട്.

യുഎഇയിലും കേരളത്തിൽ മലപ്പുറം, കോഴിക്കോട്, തിരുവനന്തപുരം എന്നിവിടങ്ങളിലുമായാണ് സ്വർണക്കടത്തിന് ഗൂഢാലോചന നടന്നതെന്ന് എൻഐഎ കണ്ടെത്തിയിട്ടുണ്ട്. കേസിലെ 30 പ്രതികളിൽ 15 പേർ പലപ്പോഴായി യുഎഇയിൽ എത്തി. യുഎഇയിൽ എവിടെയൊക്കെ വച്ചാണ് ആസൂത്രണം നടന്നതെന്ന് ചോദ്യം ചെയ്യലിൽ ഏഴാം പ്രതി വിശദീകരിച്ചിട്ടുണ്ട്.

കടത്താനുള്ള സ്വർണം സംഭരിക്കുന്നതും നയതന്ത്ര ബാഗേജിൽ ഒളിപ്പിക്കുന്നതും സംബന്ധിച്ച ആസൂത്രണമാണ് അവിടെ വച്ചു നടന്നത്. നയതന്ത്ര ബാഗേജ് വഴി വരുന്ന സ്വർണം കൈപ്പറ്റുന്നതുമായി ബന്ധപ്പെട്ടാണ് തിരുവനന്തപുരത്ത് ഗൂഢാലോചന നടന്നതെന്ന എൻഐഎ പറയുന്നു.

ENGLISH SUMMARY: nia report in court on gold scam

YOU MAY ALSO LIKE THIS VIDEO

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.