ഇന്ന് രാപ്പകലില്ലാതെ പല നേരങ്ങളിലും ജോലി ചെയ്യുന്നവരാണ് നമ്മൾ. കൃത്യമായ ഭക്ഷണ ക്രമീരണമോ, ഉറക്കമോ ഒന്നും തന്നെ ഉണ്ടാകാറില്ല. എന്നാൽ കൃത്യമായ ചിട്ടയിൽ ഭക്ഷണവും ഉറക്കവും ഉണ്ടായില്ലെങ്കിൽ അത് പല വിധത്തിലുള്ള രോഗങ്ങൾക്ക് നിങ്ങളെ അടിമകളാക്കും. ഷിഫ്റ്റ് അടിസ്ഥാനത്തിൽ ജോലി ചെയ്യുന്നവർക്ക് ജീവിതശൈലീരോഗങ്ങൾ പിടിപെടുന്നതിന്റെ തോത് കൂടുതലാണെന്നാണ് പഠനങ്ങൾ റിപ്പോർട്ട് ചെയ്യുന്നത്. ഹൃദ്രോഗം,പക്ഷാഘാതം,ടൈപ്പ് 2 പ്രമേഹം എന്നീ രോഗ സാധ്യതകൾ വർധിക്കുന്നതായാണ് പഠനങ്ങൾ സൂചിപ്പിക്കുന്നത്. ഇത് മാത്രമല്ല ജീവിത താളം തന്നെ തെറ്റിക്കുന്ന ഗുരുതരമായ പല പ്രശ്നങ്ങളും ജീവിതത്തിൽ സംഭവിക്കാം അതിനാൽ ഈ കാര്യങ്ങൾ ശ്രദ്ധിക്കുന്നത് ഏറെ ഗുണം ചെയ്യും.
ശരീരത്തിലെ രോഗ പ്രതിരോധ ശേഷിയെ ശക്തിപ്പെടുത്തുന്ന ഹോര്‍മോണാണ് മെലടോണ്‍. രാത്രി ഉറക്കം നഷ്ടപ്പെടുന്നത് ഈ ഹോര്‍മോണിന്റെ ഉത്പാദനം കുറയാന്‍ കാരണമാകും. ഇത് ശരീരത്തിന്റെ രോഗ പ്രതിരോധ ശേഷിയെ ക്ഷയിപ്പിക്കും. ക്യാന്‍സര്‍ ഉള്‍പ്പെടെ മാരകരോഗങ്ങളെ പ്രതിരോധിക്കുന്നതിന് മെലടോണ്‍ അനിവാര്യമാണ്.
രാത്രി ഉറക്കം നഷ്ടപ്പെടുന്നതും മാനസികസമ്മർദം കൂടുകമാത്രമല് പ്രത്യുത്പാദന ശേഷിയേയുംല ഇത് ബാധിക്കും. പുരുഷന്മാരിലെ ഉദ്ധാരണശേഷി കുറവ്, ബീജങ്ങളുടെ കുറവ്, സ്ത്രീകളിലെ വന്ധ്യത, ആര്‍ത്തവ ക്രമക്കേട് എന്നിവയ്‌ക്കെല്ലാം കാരണമാകുന്നു.
നൈറ്റ് ഷിഫ്റ്റ് എടുക്കുന്നവർക്ക് ശരിയായ രീതിയിൽ ഉറക്കം ലഭിക്കാതെ വരുമ്പോൾ അത് അമിത വണ്ണത്തിനും കാരണമാകും. ഉറക്കനഷ്ടം വിശപ്പിനെയും ഗ്ലൂക്കോസിന്റെ ചയാപചയപ്രവര്‍ത്തനത്തെ നിയന്ത്രിക്കുന്ന ഹോര്‍മോണുകളെയും സാധീനിക്കും. ഇത് അമിതവണ്ണത്തിന് കാരണമാകും. പ്രമേഹം, കൊളസ്‌ട്രോള്‍, ഉയര്‍ന്ന രക്തസമ്മര്‍ദം തുടങ്ങിയ ജീവിത ശൈലീ രോഗങ്ങള്‍ തേടിയെത്താന്‍ പിന്നെ താമസിക്കില്ല.
EnglisH Summary: Night shift job and health issues
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.