സംസ്ഥാനത്തെ കോവിഡ്, നിപ സാഹചര്യം വിലയിരുത്തുന്നതിന് ആരോഗ്യമന്ത്രി വീണാ ജോര്ജ്ജിന്റെ നേതൃത്വത്തില് ഉന്നതതല യോഗം ഓണ്ലൈന് വഴി ചേര്ന്നു. മറ്റ് ജില്ലകളില് കൂടി നിപ വൈറസ് പ്രതിരോധം ശക്തമാക്കാന് സ്റ്റേറ്റ് നിപ കണ്ട്രോള് സെല് ആരംഭിച്ചു. തുടര്ച്ചയായ ദിവസങ്ങളില് ആരോഗ്യ വകുപ്പിന്റെ യോഗം ചേര്ന്ന് സ്ഥിതി വിലയിരുത്തും. മറ്റ് ജില്ലകള്ക്കും മാര്ഗനിര്ദ്ദേശങ്ങളും പരിശീലനങ്ങളും നല്കാനും തീരുമാനിച്ചതായും മന്ത്രി വ്യക്തമാക്കി.
ആരോഗ്യ വകുപ്പിന്റെ ഉന്നതതല യോഗത്തില് വകുപ്പ് പ്രിന്സിപ്പല് സെക്രട്ടറി ഡോ. രാജന് എന് ഖോബ്രഗഡെ, എന്എച്ച്എം സ്റ്റേറ്റ് മിഷന് ഡയറക്ടര് ഡോ. രത്തന് ഖേല്ക്കര്, കെഎംഎസ്സിഎല് എംഡി ബാലമുരളി, ആരോഗ്യവിദ്യാഭ്യാസ വകുപ്പ് ഡയറക്ടര് ഡോ. എ റംലാ ബീവി, ആരോഗ്യവകുപ്പ് ഡയറക്ടര് ഇന് ചാര്ജ് ഡോ. മീനാക്ഷി, അഡീഷണല് ഡയറക്ടര്മാര്, ഡെപ്യൂട്ടി ഡയറക്ടര്മാര് എന്നിവര് പങ്കെടുത്തു.
കോഴിക്കോട് ജില്ലയിലെ എല്ലാ ആശുപത്രികളിലേയും മെഡിക്കല് ഓഫീസര്മാര്ക്ക് വിദഗ്ധ പരിശീലനം നല്കി. രോഗി വരുമ്പോള് മുതല് ചികിത്സ ഉള്പ്പെടെയുള്ള എല്ലാ കാര്യങ്ങളിലും നിര്ദ്ദേശങ്ങള് നല്കി. മന്ത്രിമാരായ വീണാ ജോര്ജ്ജ്, എ കെ ശശീന്ദ്രന്, പി എ മുഹമ്മദ് റിയാസ് എന്നിവരുടെ നേതൃത്വത്തില് പഞ്ചായത്ത് പ്രസിഡന്റുമാരുടെ യോഗവും ചേര്ന്നു. ആരോഗ്യ വകുപ്പിന്റെ മാര്ഗനിര്ദ്ദേശങ്ങള് അവര്ക്ക് കൈമാറി.
english summary; NIPA control cell launched
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.