Web Desk

ന്യൂഡല്‍ഹി

January 27, 2020, 10:49 pm

നിർഭയ: ഹർജി നാളെ പരിഗണിക്കും

Janayugom Online

രാഷ്ട്രപതി ദയാഹര്‍ജി തള്ളിയതിനെതിരെ നിര്‍ഭയ കേസ് പ്രതി മുകേഷ് കുമാര്‍ സിങ് സമർപ്പിച്ച ഹർജി സുപ്രീം കോടതി നാളെ പരിഗണിക്കും. ഫെബ്രുവരി ഒന്നിന് വധശിക്ഷ നടപ്പാക്കാനിരിക്കുന്ന സാഹചര്യത്തില്‍ കേസ് അതിവേഗം പരിഗണിക്കാമെന്നും രജിസ്ട്രിയെ സമീപിക്കാനും ചീഫ് ജസ്റ്റിസ് എസ് എ ബോബ്‌ഡെ ഹര്‍ജിക്കാരന്റെ അഭിഭാഷകനോടു നിര്‍ദ്ദേശിച്ചു.
നിര്‍ഭയ കേസിലെ പ്രതികളിലൊരാളായ മുകേഷ് കുമാര്‍ തന്റെ ദയാഹര്‍ജി രാഷ്ട്രപതി വേഗത്തില്‍ തള്ളുകയാണെന്നു ചൂണ്ടിക്കാട്ടിയാണ് സുപ്രീം കോടതിയെ സമീപിച്ചിരിക്കുന്നത്. വധശിക്ഷയില്‍ ഇളവു വേണമെന്നും ഹര്‍ജിയിലുണ്ട്. ജസ്റ്റിസ് എന്‍ വി രമണ അദ്ധ്യക്ഷനായ അഞ്ചംഗ ബഞ്ച് കേസിലെ പ്രതികളായ മുകേഷ് കുമാറിന്റെയും വിനയ് കുമാര്‍ ശര്‍മ്മയുടെയും തിരുത്തല്‍ ഹര്‍ജികള്‍ നേരത്തെ തള്ളിയിരുന്നു. ഇതിനു ശേഷമാണ് മുകേഷ് ദയാഹര്‍ജിയുമായി രാഷ്ട്രപതിയെ സമീപിച്ചത്.

Eng­lish sum­ma­ry: Nirb­haya: The peti­tion will be heard tomorrow