യൂറോപ്യന് പാര്ലമെന്റില് നടന്ന അവിശ്വാസ വോട്ടെടുപ്പ് അതിജീവിച്ച് യൂറോപ്യൻ കമ്മിഷന് പ്രസിഡന്റ് ഉര്സുല വോണ് ഡെര് ലെയ്ന്. തീവ്ര വലതുപക്ഷ അവതരിപ്പിച്ച പ്രമേയത്തെ 378 നിയമസഭാംഗങ്ങൾ എതിര്ത്തു. 179 പേർ അനുകൂലിച്ചു. 37 പേർ വിട്ടുനിന്നു. ഇടതുപക്ഷ പ്രമേയത്തെ എതിർത്ത് 383 നിയമസഭാംഗങ്ങൾ വോട്ട് ചെയ്തു, 133 പേർ പിന്തുണച്ചു, 78 പേർ വിട്ടുനിന്നു. കമ്മിഷന് പ്രസിഡന്റായി രണ്ടാം തവണയും അധികാരമേറ്റതിനു ശേഷം, ഒരു വർഷത്തിനുള്ളിൽ മൂന്ന് അവിശ്വാസ വോട്ടുകളെ വോൺ ഡെർ ലെയ്ൻ അതിജീവിച്ചു.
വോൺ ഡെർ ലെയ്നിന്റെ നേതൃത്വത്തിൽ കുടിയേറ്റം വര്ധിച്ചുവെന്നും യൂറോപ്പിന്റെ അസ്ഥിത്വത്തിനും സുരക്ഷയും ഭീഷണിയായെന്നും നാഷണലിസ്റ്റ് പേട്രിയറ്റ്സ് ഫോർ യൂറോപ്പ് വാദിക്കുന്നു. പരിസ്ഥിതി അനുകൂല നയങ്ങൾ ഉപയോഗിച്ച് അവർ കർഷകരെയും ഉപഭോക്താക്കളെയും ഉപേക്ഷിച്ചുവെന്നും ഭക്ഷ്യസുരക്ഷയെ അപകടത്തിലാക്കിയെന്നും ആരോപണമുണ്ട്. നിരവധി ദോഷകരമായ വ്യാപാര കരാറുകളിൽ ഒപ്പുവെച്ചതിനും ഗാസയിൽ ഇസ്രയേൽ ഗവൺമെന്റിന്റെ അന്താരാഷ്ട്ര നിയമങ്ങളുടെ വ്യവസ്ഥാപിത ലംഘനങ്ങൾക്കെതിരെ നടപടിയെടുക്കുന്നതിൽ” പരാജയപ്പെട്ടതിനുമാണ് ഇടതുപക്ഷം പ്രമേയം അവതരിപ്പിച്ചത്. വോട്ടെടുപ്പിൽ ഉര്സുലയ്ക്ക് വൻതോതിലുള്ള യൂറോപ്യൻ അനുകൂല കേന്ദ്രീകൃത ഗ്രൂപ്പുകൾ പിന്തുണ നൽകി.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.