February 4, 2023 Saturday

Related news

January 23, 2023
January 17, 2023
January 16, 2023
January 4, 2023
January 3, 2023
January 2, 2023
January 1, 2023
December 30, 2022
December 30, 2022
December 30, 2022

കോവിഡ് 19; തിരുവനന്തപുരത്തുകാര്‍ക്ക് ആശ്വാസ വാര്‍ത്ത

Janayugom Webdesk
തിരുവനന്തപുരം
April 17, 2020 8:03 pm

തിരുവനന്തപുരം ജില്ലയില്‍ കോവിഡ് ഹോട്ട്സ്പോട്ടുകളില്ലെന്ന് മന്ത്രി കടകംപള്ളി സുരേന്ദ്രൻ അറിയിച്ചു. നിലവില്‍ തിരുവനന്തപുരത്ത് കോവിഡ് ചികിത്സയിലുള്ള രണ്ട് പേരുടെ നിലയിലും മികച്ച പുരോഗതി ഉണ്ടെന്നും അദ്ദേഹം കൂട്ടിച്ചേര്‍ത്തു.

അതേ സമയം, സംസ്ഥാനത്ത് ഇന്ന് കൊറോണ വൈറസ് ബാധ സ്ഥിരീകരിച്ചത് ഒരാൾക്ക് മാത്രം. കോഴിക്കോട് സ്വദേശിക്കാണ് വൈറസ് ബാധ. സമ്പർക്കത്തിലൂടെയാണ് ഇയാൾക്ക് രോഗം ഉണ്ടായത്. സംസ്ഥാനത്ത് ഇന്ന് 10 പേർ കൂടി രോഗമുക്തി നേടി.

കാസർക്കോഡ് ജില്ലയിലെ 6 പേരുടേയും എറണാകുളം ജില്ലയിലെ 2 പേരുടേയും ആലപ്പുഴ, മലപ്പുറം എന്നീ ജില്ലകളിലുള്ള ഓരോരുത്തരുടേയും പരിശോധനാഫലമാണ് നെഗറ്റീവായത്. 255 പേരാണ് ഇതുവരെ കോവിഡിൽ നിന്നും രോഗമുക്തി നേടിയത്. ഇതോടെ നിലവിൽ 138 പേരാണ് സംസ്ഥാനത്തെ വിവിധ ആശുപത്രികളിൽ ചികിത്സയിലുള്ളത്.

സംസ്ഥാനത്തെ വിവിധ ജില്ലകളിലായി 78,980 പേർ നിരീക്ഷണത്തിലാണ്. ഇവരിൽ 78,454 പേർ വീടുകളിലും 526 പേർ ആശുപത്രികളിലും നിരീക്ഷണത്തിലാണ്. 84 പേരെയാണ് ഇന്ന് ആശുപത്രിയിൽ പ്രവേശിപ്പിച്ചത്. രോഗലക്ഷണങ്ങളുള്ള 18,029 വ്യക്തികളുടെ സാമ്പിൾ പരിശോധനയ്ക്ക് അയച്ചിട്ടുണ്ട്. ഇതിൽ ലഭ്യമായ 17,279 സാമ്പിളുകളുടെ പരിശോധനാ ഫലം നെഗറ്റിവ് ആണ്.

Eng­lish Sum­ma­ry: No Covid hotspots in Thiru­vanan­tha­pu­ram district.

you may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.