Web Desk

February 21, 2020, 4:02 pm

അവകാശികളില്ലാ നിക്ഷേപം ഇനി കേന്ദ്ര ക്ഷേമനിധിയിലേക്ക്

Janayugom Online

പോസ്റ്റ് ഓഫിസുകളിൽ അവകാശികളില്ലാതെ കിടക്കുന്ന ലക്ഷക്കണക്കിനു നിക്ഷേപങ്ങൾ കേന്ദ്രസർക്കാരിന്റെ സീനിയർ സിറ്റിസൺ വെൽഫെയർ ഫണ്ടിലേക്കു മാറ്റാൻ നടപടി. കേരളത്തിൽ നിന്നു മാത്രം 6 ലക്ഷത്തിലേറെ നിക്ഷേപങ്ങളിൽ നിന്നായി കോടിക്കണക്കിനു രൂപയാകും ഇത്തരത്തിൽ മാറ്റുന്നത്. 10 വർഷത്തിലേറെയായി ഉപയോഗിക്കപ്പെടാതെ കിടക്കുന്ന വിവിധ നിക്ഷേപങ്ങളുടെ പട്ടിക പ്രസിദ്ധീകരിച്ചിട്ടുണ്ട്. അവകാശികൾ എത്തിയില്ലെങ്കിൽ ഈ തുക ക്ഷേമനിധിയിലേക്കു മാറ്റും.

കിസാൻ വികാസ് പത്രയിൽ ഉത്തര മലബാറിൽ നിന്നുള്ളവരാണു കൂടുതൽ. 100 രൂപ മുതൽ ചെറിയ തുകകളിൽ നിക്ഷേപം നടത്തിയിട്ടുള്ളവർ പിന്നീട് ഇക്കാര്യം മറന്നതാകുമെന്നാണു വിലയിരുത്തൽ. മരണം, സ്‌ഥലംമാറ്റം തുടങ്ങിയ കാരണങ്ങളും അവകാശം ഉന്നയിക്കപ്പെടാത്ത നിക്ഷേപങ്ങൾ വർധിക്കാൻ കാരണമായി. മുതിർന്ന പൗരൻമാർക്കായി പെൻഷൻ ഉൾപ്പെടെയുള്ള പദ്ധതികൾ ഒരുക്കാനാണു സാമൂഹിക നീതി വകുപ്പിന്റെ കീഴിലുള്ള ക്ഷേമനിധി ഉപയോഗിക്കുക.

ENGLISH SUMMARY: non res­i­dent invest­ment goes to cen­tral wel­fare fund

YOU MAY ALSO LIKE THIS VIDEO