എക്സൈസ് വകുപ്പ് കേസെടുത്തതിന് പിന്നാലെ ഒമര് ലുലു സംവിധാനം ചെയ്ത ‘നല്ല സമയം’ എന്ന ചിത്രം തിയേറ്ററില്നിന്ന് പിന്വലിച്ചു. ഒമര് ലുലു തന്നെയാണ് ഇക്കാര്യം അറിയിച്ചത്. ബാക്കി കാര്യങ്ങള് കോടതി വിധി അനുസരിച്ച് തീരുമാനിക്കുമെന്നും ഒമര് പറഞ്ഞു. ട്രെയിലറില് ലഹരി വസ്തുക്കളുടെ ഉപയോഗം ഉള്പ്പെടുത്തിയതിനെ തുടര്ന്ന് സിനിമയ്ക്കെതിരെ എക്സൈസ് വകുപ്പ് കേസെടുത്തിരുന്നു. സംവിധായകന്, നിര്മാതാവ് എന്നിവര്ക്കെതിരെയാണ് എക്സൈസ് കേസെടുത്തത്. സിനിമയുടെ റിലീസിന് ശേഷം ചിത്രത്തിലെ നായിക മയക്കുമരുന്ന് ഉപയോഗത്തെ അനുകൂലിക്കുന്ന പരാമര്ശങ്ങള് നടത്തിയതും വിവാദമായിരുന്നു.
വെള്ളിയാഴ്ചയാണ് ഒമര് ലുലു സംവിധാനം ചെയ്ത ‘നല്ല സമയം’ തിയേറ്ററുകളിലെത്തിയത്. കഴിഞ്ഞദിവസം പുറത്തിറങ്ങിയ ടീസറില് കഥാപാത്രങ്ങള് മാരക ലഹരിവസ്തുവായ എംഡിഎംഎ ഉപയോഗിക്കുന്നരംഗമാണ് മുഴുനീളം. ഇതിന്റെ ഉപയോഗം പ്രോത്സാഹിപ്പിക്കുന്ന തരത്തിലുള്ള സംഭാഷണങ്ങളും ഒപ്പം ചേര്ത്തിരുന്നു. ഇതിനെ തുടര്ന്ന് കേസെടുത്തത്.
ഇര്ഷാദാണ് ചിത്രത്തില് നായകന്. നീന മധു, ഗായത്രി ശങ്കര്, നോറ ജോണ്സണ്, നന്ദന സഹദേവന്, സുവൈബത്തുല് ആസ്ലമിയ്യ എന്നീ പുതുമുഖങ്ങളാണ് നായികമാര്. ചിത്രത്തിന് എ സര്ട്ടിഫിക്കറ്റ് ആണ് സെന്സര്ബോര്ഡ് നല്കിയത്.
English Summary: Omar Lulu pulled the film from theatres
You may also like this video
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.