27 March 2024, Wednesday

Related news

March 26, 2024
March 24, 2024
March 24, 2024
March 18, 2024
March 17, 2024
March 16, 2024
March 16, 2024
March 14, 2024
March 14, 2024
March 14, 2024

ഓണക്കാലത്ത് വിൽപ്പനയിൽ സർവകാല റെക്കോർഡിട്ട് മിൽമ

Janayugom Webdesk
തിരുവനന്തപുരം
August 24, 2021 8:26 pm

ഓണക്കാലത്ത് പാൽ, തൈര് വിൽപ്പനയിൽ സർവകാല റെക്കോർഡിട്ട് മിൽമ. ഓഗസ്റ്റ് 20 മുതൽ 23 വരെ 79,86,916 ലിറ്റർ പാലാണ് കേരളത്തിൽ മിൽമ വിൽപ്പന നടത്തിയത്. ഓണക്കാല വിൽപ്പനയിൽ മുൻവർഷത്തേക്കാൾ 6.64 ശതമാനത്തിന്റെ വർധനവുണ്ട്. തിരുവോണ ദിവസത്തെ മാത്രം പാൽ വിൽപ്പന 32,81,089 ലിറ്റർ ആണ്. 2020ൽ ഇത് 29,33,560 ലിറ്റർ ആയിരുന്നു. 11.85 ശതമാനത്തിൻറെ വർധന.

തൈര് വിൽപ്പനയിലും റെക്കോർഡ് നേട്ടമുണ്ടാക്കാൻ മിൽമയ്ക്കായി. 8,49,717 കിലോ തൈരാണ് ആഗസ്റ്റ് 20 മുതൽ 23 വരെ മിൽമ വിറ്റത്. തിരുവോണ ദിവസം മാത്രം 3,31,971 കിലോ തൈരാണ് വിറ്റത്. കഴിഞ്ഞ വർഷം 3,18,418 കിലോ ആയിരുന്നു വിൽപ്പന. 4.86 ശതമാനം വർധന.

സപ്ലൈകോയുടെ ഓണക്കിറ്റിലേക്ക് 425 മെട്രിക് ടൺ നെയ്യ് സമയബന്ധിതമായി വിതരണം ചെയ്യാനും മിൽമയ്ക്ക് കഴിഞ്ഞു. മിൽമയുടെ മറ്റ് ഉത്പന്നങ്ങളായ വെണ്ണ, പാലട പായസം മിക്സ്, പേട, ഫ്ലോവേഡ് മിൽക്ക് തുടങ്ങിയവയും ഓണക്കാലത്ത് ആവശ്യാനുസരണം ഉപഭോക്താക്കളിൽ എത്തിക്കാൻ മിൽമയ്ക്കായി.
Eng­lish sum­ma­ry: onam sale of milma
You may also like this video:

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.