Web Desk

January 09, 2020, 9:25 am

പേപ്പർ ഫാക്ടറിയിൽ തീപിടുത്തം; ഒരാൾ മരിച്ചു

Janayugom Online

ന്യൂഡല്‍ഹി: കിഴക്കന്‍ ഡല്‍ഹിയിലെ പേപ്പര്‍ ഫാക്​ടറിയിലുണ്ടായ തീപിടുത്തത്തിൽ ഒരാൾ മരിച്ചു. പത്​പര്‍ഗഞ്ച്​ വ്യാവസായിക മേഖലയിലെ ഫാക്​ടറിയുടെ മൂന്നു നില ​കെട്ടിടത്തിലാണ് വ്യാഴാഴ്​ച പുലര്‍ച്ചെ രണ്ട്​ മണിയോടെ തീപിടുത്തം ഉണ്ടായത്. തീ ആളിക്കത്തിയതോടെ കെട്ടിടം പൂര്‍ണമായും പുക കൊണ്ടു മൂടിയിരുന്നു. ഏറെ സമയത്തെ പരിശ്രമങ്ങള്‍​ക്കൊടുവിലാണ്​ തീ നിയന്ത്രണവിധേയമാക്കാന്‍ സാധിച്ചത്​. 32 ഫയര്‍ എന്‍ജിനുകള്‍ രക്ഷാ പ്രവര്‍ത്തനത്തിനായി സ്ഥലത്തെത്തി​യിരുന്നു. തീ പിടുത്തത്തിന്റെ കാരണം വ്യക്തമല്ല. അന്വഷണം നടക്കുകയാണെന്ന് ഉദ്യോഗസ്ഥർ അറിയിച്ചു. കഴിഞ്ഞ ആഴ്​ച​ നോര്‍ത്ത്​ ഡല്‍ഹിയിലെ വസ്​ത്ര ഗോഡൗണിന്​ തീ പിടിച്ച്‌ മൂന്ന്​ കുട്ടികള്‍ ഉള്‍പ്പെടെ​ ഒമ്ബത്​ പേര്‍ മരിച്ചിരുന്നു.

Eng­lish Summary:One dead in fire at paper fac­to­ry in East Delhi.

you may also like this video;