June 30, 2022 Thursday

Latest News

June 30, 2022
June 30, 2022
June 30, 2022
June 30, 2022
June 30, 2022
June 30, 2022
June 30, 2022
June 30, 2022
June 30, 2022
June 30, 2022

റോഡിൽ നഷ്ടപ്പെട്ടു പോയ ഒരു ലക്ഷം രൂപ ഉടമസ്ഥന് തിരികെ ലഭിച്ചു

By Janayugom Webdesk
February 7, 2020

വഴിയിൽ കിടന്ന് ലഭിച്ച ഒരുലക്ഷത്തി അയ്യായിരം രൂപ തിരികെ നൽകാൻ മനസ്സ് കാണിച്ച് മൂവാറ്റുപുഴ സ്വദേശി മന്നേക്കാട്ടുകുടി വീട്ടിൽ ജോർജ്ജ്. ജോർജ്ജിന്റെ നല്ല മനസ്സിന് നന്ദി പറയുകയാണ് പെരുന്തൽമണ്ണ നാട്ടുകല്ല് സ്വദേശി ചൂളകച്ചോല വീട്ടിൽ മുഹമ്മദ് ഷാജർ. ബുധനാഴ്ച്ച രാത്രിയിലായിരുന്നു വാഹന കച്ചവടത്തിലൂടെ ലഭിച്ച പണവുമായി മുഹമ്മദ് ഷാജർ അടിമാലിയിൽ നിന്നും തിരികെ നാട്ടിലേക്ക് മടങ്ങിയത്. മടക്കയാത്രയിൽ പണം നഷ്ടമായി.

പണം നഷ്ടപ്പെട്ട വിവരം അറിഞ്ഞതോടെ പറഞ്ഞറിയിക്കാനാവത്ത നിരാശയിലായി മുഹമ്മജ് ഷാജർ. ഇതിനിടയിൽ നേര്യമംഗലത്തിന് സമീപത്തു വച്ച് റോഡിൽ കിടന്നിരുന്ന പണം ജോർജ്ജിന്റെ ശ്രദ്ധയിൽപ്പെട്ടു. ഒരു രൂപാ പോലും സ്വന്തമാക്കാൻ ആഗ്രഹിക്കാതെ ജോർജ്ജ് പണവുമായി അടിമാലി പോലീസ് സ്റ്റേഷനിലെത്തി പണം പോലീസ് ഉദ്യോഗസ്ഥർക്ക് കൈമാറി. സംഭവ ശേഷം അടിമാലി സ്റ്റേഷനിൽ പണം ലഭിച്ച വിവരം നവമാധ്യമങ്ങളിലൂടെ പ്രചരിക്കപ്പെട്ടു. പണം നഷ്ടപ്പെട്ടുവെന്ന് കരുതിയിരുന്ന മുഹമ്മദ് ഷാജറിന്റെ ശ്രദ്ധയിൽ നവമാധ്യമങ്ങളിലെ അറിയിപ്പ് പതിയുകയും കഴിഞ്ഞ ദിവസം രാത്രിയിൽ അടിമാലി പോലീസ് സ്റ്റേഷനിൽ എത്തുകയും ചെയ്തു. പണം മുഹമ്മദ് ഷാജറിന്റെയാണെന്നുറപ്പു വരുത്തിയ ശേഷം സ്റ്റേഷനിലെ മുതിർന്ന പോലീസ് ഉദ്യോഗസ്ഥരുടെ സാന്നിധ്യത്തിൽ പണം കൈപ്പറ്റി മുഹമ്മദ് ഷാജർ നാട്ടിലേക്ക് മടങ്ങി. പണം തിരികെ നൽകാൻ മനസ്സ് കാണിച്ച ജോർജ്ജിനും അറിയിപ്പ് തന്നിലേക്കെത്തിച്ച സോഷ്യൽ മീഡിയക്കും മുഹമ്മദ് ഷാജർ നന്ദി പറയുന്നു.

Eng­lish sum­ma­ry: One lakh was lost on the road

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.