പഹല്‍ഗാം ഭീകരാക്രമണത്തിനുശേഷം ജമ്മു കശ്മീരിന് തൊട്ടടുത്ത താവളങ്ങളില്‍ പാകിസ്ഥാന്‍ സൈനിക വിമാനങ്ങള്‍ വിന്യസിച്ചതായി റിപ്പോര്‍ട്ട്. ഇത് സംബന്ധിച്ച് സമൂഹമാധ്യമങ്ങളില്‍ നിരവധി പോസ്റ്റുകളാണ് പ്രചരിച്ചുകൊണ്ടിരിക്കുന്നത്. ഫ്ലൈറ്റ് ട്രാക്കിങ് വെബ്സൈറ്റായ ഫ്ലൈറ്റ് റഡാര്‍ 24ല്‍ നിന്നുള്ള സ്ക്രീന്‍ ഷോട്ടുകളാണ് സമൂഹമാധ്യമങ്ങളില്‍ നിറഞ്ഞുനില്‍ക്കുന്നത്. പാകിസ്ഥാന്‍ വ്യോമസേനാ (പിഎഎഫ്) ഹെലികോപ്റ്ററുകള്‍ കറാച്ചിയിലെ സതേണ്‍ എയര്‍ കമാന്‍ഡില്‍ നിന്നും ലാഹോറിനും റാവല്‍പിണ്ടിക്കും സമീപമുള്ള സൈനിക താവളങ്ങളിലേക്ക് നീങ്ങുന്നതായാണ് സ്ക്രീന്‍ ഷോട്ട് കാണിക്കുന്നത്. പാകിസ്ഥാന്റെ പ്രധാന സൈനിക കേന്ദ്രമായ നൂര്‍ ഖാന്‍ എയര്‍ ബേസ് ഇന്ത്യന്‍ അതിര്‍ത്തിയോടടുത്താണ് സ്ഥിതിചെയ്യുന്നത്. ഭീകരാക്രമണത്തിനു തൊട്ടുപിന്നാലെയുള്ള പാകിസ്ഥാന്റെ നീക്കം സംശയാസ്പദമായാണ് ഇന്ത്യന്‍ അധികൃതര്‍ വീക്ഷിക്കുന്നത്. എന്നാല്‍ വിഷയത്തില്‍ പാകിസ്ഥാന്‍ ഇതുവരെ പ്രതികരിച്ചിട്ടില്ല.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.