സമുദ്രാതിർത്തി ലംഘിച്ച പാകിസ്ഥാൻ മത്സ്യബന്ധന ബോട്ട് ഇന്ത്യൻ തീരസംരക്ഷണ സേന പിടിച്ചെടുത്തു. ബോട്ടിലുണ്ടായിരുന്ന 11 ജീവനക്കാരെ കസ്റ്റഡിയിലെടുത്തതായും അധികൃതർ അറിയിച്ചു. ഇന്ത്യയുടെ എക്സ്ക്ലൂസീവ് ഇക്കണോമിക് സോണിൽ വെച്ചാണ് പാക് ബോട്ട് പിടികൂടിയതെന്ന് ഗുജറാത്ത് ഡിഫൻസ് പിആർഒ വിങ് കമാൻഡർ അഭിഷേക് കുമാർ തിവാരി ‘എക്സി‘ലൂടെ അറിയിച്ചു.
കസ്റ്റഡിയിലെടുത്ത പാകിസ്ഥാൻ ബോട്ടും 11 ജീവനക്കാരെയും കൂടുതൽ ചോദ്യം ചെയ്യുന്നതിനും നിയമനടപടികൾക്കുമായി ഗുജറാത്തിലെ ജഖാവു മറൈൻ പൊലീസിന് കൈമാറി. കസ്റ്റഡിയിലെടുത്തവരുടെ ലക്ഷ്യം എന്തായിരുന്നു, ബോട്ടിൽ നിരോധിത വസ്തുക്കൾ എന്തെങ്കിലും ഉണ്ടായിരുന്നോ തുടങ്ങിയ കാര്യങ്ങൾ പൊലീസ് വിശദമായി അന്വേഷിക്കും. ഇന്ത്യൻ സമുദ്രാതിർത്തി ലംഘിച്ച് പാക് ബോട്ടുകൾ എത്തുന്നത് പതിവായതിനെ തുടർന്ന് ഈ മേഖലകളിൽ തീരസംരക്ഷണ സേന നിരീക്ഷണം ശക്തമാക്കിയിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.