Web Desk

മണ്ണാർക്കാട്

March 26, 2020, 11:36 am

ക്വാറന്റീന്‍ ലംഘിച്ച് പാലക്കാട്ടെ കോവിഡ് രോഗി കറങ്ങി നടന്നു; റൂട്ട് മാപ്പ് ദുഷ്കരം

Janayugom Online

കോവിഡ് സ്ഥിരീകരിച്ച പാലക്കാട്ടുകാരന്‍ ക്വാറന്റീനില്‍ പോകാതെ പലയിടത്തും സഞ്ചരിച്ചു.മണ്ണാർക്കാട് സ്വദേശിയായ രോഗി ദുബായിൽ നിന്നെത്തിയത് മാർച്ച് 13 നാണ്. നിരീക്ഷണത്തിലായത്ത് 21 നും. ഇന്നലെയാണ് രോഗം സ്ഥിരീകരിച്ചത്. കോവിഡ് തടയാനുള്ള പ്രോട്ടോകോൾ ലംഘിച്ച് രോഗി പലയിടങ്ങളിലും കറങ്ങി നടന്നു. ഇതിനാൽ ഇയാളുടെ റൂട്ട് മാപ്പ് തയാറാക്കുക ദുഷ്‌കരമായിരിക്കുകയാണ്.

51 വയസ്സുകാരൻ ഉംറ തീർഥാടനത്തിനു ശേഷമാണു കേരളത്തിലെത്തിയത്. കരിപ്പൂർ വിമാനത്താവളത്തിൽ ഇറങ്ങി മണ്ണാർക്കാട്ടേക്കു വരികയായിരുന്നു. അവിടെയെത്തി 13ന് ശേഷം പല സ്ഥലങ്ങളിലും ബസിൽ പോയി. ബാങ്കുകൾ, യത്തീംഖാന, പള്ളി എന്നിവിടങ്ങളിൽ പോയി. ജനങ്ങൾ അറിയിച്ചതിനെ തുടർന്നാണ് അധികൃതർ ഇയാളെ കണ്ടെത്തിയത്.

കോവിഡ് 19 രോഗ ബാധ ജില്ലയിൽ മൂന്ന് പേർക്ക് കൂടി സ്ഥിരീകരിച്ചതോടെ കടുത്ത നിയന്ത്രണങ്ങളാണ് പാലക്കാട് ഇന്ന് മുതൽ നടപ്പിലാക്കുക. മണ്ണാർക്കാട് മേഖലയിൽ കൂടുതൽ നിയന്ത്രണങ്ങൾ പരിഗണനയിലാണ്. സംസ്ഥാന അതിർത്തി കൂടിയായതിനാൽ ജില്ലയിലെ ആരോഗ്യമേഖലയിൽ അതീവ ജാഗ്രതയ്ക്കാണു നിർദേശം.

ENGLISH SUMMARY: Palakkad covid patient update

YOU MAY ALSO LIKE THIS VIDEO