Web Desk

തിരുവനന്തപുരം

March 12, 2020, 10:56 pm

പാലാരിവട്ടം പാലം അഴിമതി; മുൻ അന്വേഷണ ഉദ്യോഗസ്ഥന് സസ്പെൻഷൻ

Janayugom Online

മുൻമന്ത്രി വി കെ ഇബ്രാഹിംകുഞ്ഞ് പ്രതിയായ പാലാരിവട്ടം പാലം അഴിമതി കേസിൽ പ്രതികളെ സഹായിച്ചുവെന്ന വിജിലൻസ് ഡയറക്ടറുടെ റിപ്പോർട്ടിനെ തുടർന്ന് രണ്ട് പൊലീസ് ഉദ്യോഗസ്ഥരെ സസ്പെന്റ് ചെയ്തു. വിജിലൻസ് എറണാകുളം യൂണിറ്റ് ഡിവൈഎസ്പി ആർ അശോക് കുമാർ, ഫോർട്ട് ഇൻസ്പെക്ടർ എ കെ ഷെറി എന്നിെവരെയാണ് ആഭ്യന്തര അഡീഷണൽ ചീഫ് സെക്രട്ടറി ഡോ വിശ്വാസ് മേത്ത സസ്പെന്റ് ചെയ്തത്. ഇവർക്കെതിരെ വിശദമായ അന്വേഷണത്തിനും ഉത്തരവിട്ടു.

പാലാരിവട്ടം പാലം കേസന്വേഷണ ഉദ്യോഗസ്ഥനായിരുന്നു അശോക് കുമാർ. ഇദ്ദേഹത്തിനെതിരെ നേരത്തെ പരാതിയുയർന്നിരുന്നു. തുടർന്ന് അദ്ദേഹത്തെ മാറ്റി ഡിവൈഎസ്പി ശ്യാംകുമാറിനെ അന്വേഷണ ഉദ്യോഗസ്ഥനായി നിയമിച്ചു. തുടർന്ന് വിജിലൻസ് ഡയറക്ടർ നേരിട്ട് അന്വേഷണം നടത്തി നൽകിയ റിപ്പോർട്ടിനെ തുടർന്നാണ് സസ്പെൻഷൻ.

you may also like this video;