പാൻ ആധാറുമായി ബന്ധിപ്പിച്ചോ? ഇല്ലെങ്കിൽ പിഴ പതിനായിരമായി വരും

മാർച്ച് 31 ന് മുമ്പ് പാൻ കാർഡ് ആധാറുമായി ബന്ധിപ്പിക്കാതെ, അസാധുവായ കാർഡ് വീണ്ടും ഉപയോഗിച്ചാൽ 10,000 രൂപ പിഴ അടയ്ക്കേണ്ടി വരും. ഓരോ തവണയുള്ള ഉപയോഗത്തിനും 10,000 രൂപ വീതമാണ് പിഴ അടയ്ക്കേണ്ടത്. ആദായനികുതി നിയമത്തിലെ വകുപ്പ് 272 ബി പ്രകാരമാണ് പിഴ അടയ്ക്കേണ്ടത്. ബാങ്ക് അക്കൗണ്ട് എടുക്കുന്നതിനോ ഡ്രൈവിംഗ് ലൈസൻസിന് അപേഷിക്കുന്നതിനോ മറ്റ് നികുതിയേതര ആവശ്യങ്ങൾക്കോ തിരിച്ചറിയൽ രേഖയായി പാൻ കാർഡ് ഉപയോഗിക്കുന്നതിന് പിഴ ഈടാക്കില്ല.

എന്നാൽ ബാങ്കിൽ 50,000 രൂപയിൽ കൂടുതലുള്ള ഇടപാടുകൾ നടക്കുമ്പോൾ പാൻ കാർഡ് നൽകിയേ മതിയാകൂ. ഇത്തരത്തിൽ അസാധുവായ പാൻ ഓരോ തവണ ഉപയോഗിക്കുമ്പോഴും 10,000 രൂപ പിഴ അടയ്ക്കണം. പ്രവർത്തനരഹിതമായ പാൻ കൈവശമുള്ളവർ വീണ്ടും പുതിയ കാർഡിനായി അപേഷിക്കേണ്ട ആവശ്യമില്ല. ആധാറുമായി ലിങ്ക് ചെയ്ത് കഴിഞ്ഞാൽ പഴയ പാൻ കാർഡ് പ്രവർത്തനയോഗ്യമായി തീരും.

you may also like this video;