അഫ്ഗാനിസ്ഥാനിലെ പഞ്ച്ശീറില് താലിബാനെതിരെ പോരാട്ടം തുടരുന്നതിനിടെ പ്രതിരോധ സേന വക്താവ് കൊല്ലപ്പെട്ടു. താലിബാന് പ്രതിരോധ സേനാവക്താവ് ഫാഹിം ദാഷ്തിയാണ് കൊല്ലപ്പെട്ടതെന്ന് ടോളോ ന്യൂസ് റിപ്പോര്ട്ട് ചെയ്തു. അഫ്ഗാനിസ്ഥാന് ദേശീയ പ്രതിരോധ സേനയുടെ മുതിര്ന്ന നേതാവും അഫ്ഗാന് ജേണലിസ്റ്റ് ഫെഡറേഷന് അംഗവുമാണ്. അതിനിടെ പ്രദേശത്ത് പോരാട്ടം തുടരുന്നു.
പഞ്ച്ശീര് പ്രവിശ്യയിലെ നാല് ജില്ലകള് പിടിച്ചെടുത്തതായി താലിബാന് അവകാശപ്പെട്ടു. എന്നാല് പ്രതിരോധ സേനയുടെ തിരിച്ചടി പ്രദേശത്ത് തുടരുകയാണ്. 600 താലിബാന് ഭീകരര് കൊല്ലപ്പെട്ടതായാണ് റിപ്പോര്ട്ട്. ബസാറക് പ്രവിശ്യ കീഴടക്കിയതായാണ് താലിബാന്റെ വാദം. എന്നാല് താലിബാന് തെറ്റായ വിവരങ്ങള് പ്രചരിപ്പിക്കുകയാണെന്ന് അഫ്ഗാന് പ്രതിരോധ സേനയെ നയിക്കുന്ന അഹമ്മദ് മസൂദും അമറുള്ള സാലേയും പ്രതികരിച്ചു.
ലോകം പഞ്ചശീറിന് പിന്തുണ നല്കണമെന്നും അവര് അഭ്യര്ത്ഥിച്ചു. സമാധാനം നിലനിര്ത്തണമെന്ന് മതപണ്ഡിതര് ആവശ്യപ്പെട്ടു. അതിനിടെ, കാബൂളില് താലിബാന് മേധാവി മുല്ലാ ബറാദര് ഐക്യരാഷ്ട്ര സെകട്ടറി ജനറലിനെ സന്ദര്ശിച്ച് അഫ്ഗാനിസ്ഥാനുള്ള സഹായങ്ങള് നിര്ത്തരുതെന്ന് അഭ്യര്ത്ഥിച്ചു.
English Summary: Panjshir battle: Taliban defense force spokesman killed
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.