ട്രെയിനിൽ ബോംബ് ഉണ്ടെന്ന യാത്രക്കാരന്റെ വ്യാജസന്ദേശം പരിഭ്രാന്തി പരത്തി. സജ്ഞീവ് സിങ് ഗുർജാർ എന്ന യാത്രക്കാരനാണ് ന്യൂഡൽഹിയിൽ നിന്നും കാൺപൂരിലേക്കുള്ള ദിബ്രുഗഢ് രാജധാനി ട്രെയിനിൽ അഞ്ച് ബോംബുകൾ ഉണ്ടെന്നും അടിയന്തര നടപടികൾ സ്വീകരിക്കണമെന്നും റയിൽവേ മന്ത്രി, ഡൽഹി പൊലീസ്, ഐആർസിടിസി എന്നിവയെ ടാഗ് ചെയ്ത് ട്വീറ്റ് ചെയ്തത്.
വിവരത്തെ തുടർന്ന് ട്രെയിൻ ദാദ്രിയിൽ പിടിച്ചിട്ടു. ബോംബ് സ്ക്വാഡ് പരിശോധന നടത്തി. എന്നാൽ ബോംബ് കണ്ടെത്താനായില്ല. ഇതിനിടെ താൻ നൽകിയത് തെറ്റായ സന്ദേശമാണെന്ന് പറഞ്ഞ് സജ്ഞീവ് വീണ്ടും ട്വീറ്റ് ചെയ്തു. തന്റെ സഹോദരന്റെ ട്രെയിൻ നാല് മണിക്കൂർ വൈകിയെന്നും ഇതിൽ ദേഷ്യംപിടിച്ചാണ് ഇത്തരമൊരു സന്ദേശം അയച്ചതെന്നുമാണ് സജ്ഞീവ് പിന്നീട് ട്വീറ്റ് ചെയ്തത്. കേന്ദ്ര സർക്കാർ തനിക്ക് മാപ്പ് നൽകണമെന്നും ട്വീറ്റിൽ ഇയാൾ അഭ്യർത്ഥിച്ചു.
English Summary; passenger tweets about five bombs on Dibrugarh Rajdhani, train halted at Dadri
YOU MAY ALSO LIKE THIS VIDEO
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.