Web Desk

ന്യൂഡൽഹി

April 04, 2020, 2:39 pm

കൊറോണ ചികിത്സയ്ക്കുള്ള ആയുർവേദ മരുന്നുമായി രാംദേവിന്റെ പതഞ്ജലി

Janayugom Online

കൊറോണ ചികിത്സയ്ക്കുള്ള ആയുർവേദ മരുന്നുമായി ബാബ രാംദേവിന്റെ പതഞ്ജലി. മലേറിയ ചികിത്സക്ക് ഉപയോഗിക്കുന്ന ഹൈഡ്രോക്സി ക്ലോറോക്വിനൊപ്പം ആയുർവേദ മരുന്നുകളും ഉപയോഗിച്ചാൽ കൊറോണയെ ചെറുക്കാൻ കഴിയുമെന്നാണ് ഇതുമായി ബന്ധപ്പെട്ട ഗവേഷണ പ്രബന്ധത്തിൽ പതഞ്ജലി അവകാശപ്പെടുന്നത്.

അശ്വഗന്ധ, തുളസി, കുറുന്തോട്ടി, എന്നിവ ചേർന്നുള്ള മിശ്രിതത്തിന് കൊറോണ വൈറസിനെ ചെറുക്കാൻ കഴിയുമെന്ന് ഹരിദ്വാർ ആസ്ഥാനമായ പത‍ഞ്ജലി റിസർച്ച് ഇൻസ്റ്റിറ്റ്യൂട്ട് പറയുന്നു. ‘വൈറോളജി’ എന്ന ജേണലിൽ അശ്വഗന്ധയുടെ ഉപയോഗം രോഗ പ്രതിരോധ ശേഷി വർധിപ്പിക്കുമെന്നും പറയുന്നു. ഇതുമായി ബന്ധപ്പെട്ട നിർദ്ദേശങ്ങൾ ആയുഷ് വകുപ്പിന് കൈമാറിയിട്ടുണ്ടെന്നും പതഞ്ജലി അധികൃതർ പറഞ്ഞതായി ദി പ്രിന്റ് റിപ്പോർട്ട് ചെയ്യുന്നു.

YOU MAY ALSO LIKE THIS VIDEO