മംഗലാപുരത്തേക്ക് ആംബുലന്‍സ് കടത്തിവിടാത്തതിനെ തുടര്‍ന്ന് ചികിത്സ ലഭിക്കാതെ രോഗി മരിച്ചു. എഴുപതുകാരിയായ പാത്തുമ്മയാണ് മരിച്ചത്. കേരള കര്‍ണാടക അതിര്‍ത്തിയായ തലപ്പാടിയിലെ ചെക്ക് പോസ്റ്റിലായിരുന്നു സംഭവം.

വൃക്കാ രോഗിയായ പാത്തുമ്മയെ കഴിഞ്ഞ ദിവസം രാത്രിയിലാണ് മംഗലാപുരത്തേയ്ക്ക് ആശുപത്രിയില്‍ കൊണ്ടു പോയത്. എന്നാല്‍ കര്‍ണ്ണാടക പൊലീസ് ആംബുലൻസ് കടത്തി വിടാൻ തയ്യാറായില്ല. ഇവരെ തിരികെ വീട്ടിലേയ്ക്ക് കൊണ്ടു പോയി. ഇവര്‍ ഇന്ന് പുലര്‍ച്ചെ മരിക്കുകയായിരുന്നു. കര്‍ണാടക അതിര്‍ത്തി പ്രദേശത്ത് ചികിത്സ ലഭിക്കാതെയുള്ള രണ്ടാമത്തെ മരണമാണ് ഇത്.

ഇന്നലെ അസുഖം ബാധിച്ച് അത്യാസന്ന നിലയിലായിരുന്ന 75 കാരനായ പാത്തുഞ്ഞിയെ ആംബുലൻസില്‍ മംഗലാപുരത്തെ ആശുപത്രിയിലേക്ക് കൊണ്ടുപോകാൻ ശ്രമിച്ചെങ്കിലും തലപ്പാടി അതിർത്തിയിൽ വെച്ച് കര്‍ണ്ണാടക പൊലീസ് ഇവരെ തടഞ്ഞ് തിരികെ അയച്ചു. തുടര്‍ന്ന് മരണം സംഭവിക്കുകയായിരുന്നു.

you may also like this video;