ജനസാഗരം സാക്ഷി, കനയ്യയുടെ യാത്ര അഞ്ചാം ദിനത്തിലേയ്ക്ക്

ഓരോ ദിവസവും വർധിച്ചുകൊണ്ടേയിരിക്കുന്ന ജനസ‍ഞ്ചയവുമായി സിപിഐ നേതാവും ജെഎൻയു വിദ്യാർത്ഥി യൂണിയൻ മുൻ പ്രസിഡന്റുമായ കനയ്യ കുമാറിന്റെ നേതൃത്വത്തിലുള്ള ജനഗണമന യാത്ര അഞ്ചാം ദിനത്തിലേയ്ക്ക്. നാലാം ദിനമായ ഇന്നലെ ഷിയോഹാറിലും സിതാമാർഹിയിലുമായിരുന്നു പൊതുസമ്മേളനങ്ങൾ.

രണ്ടിടങ്ങളിലും പതിനായിരങ്ങൾ പൗരത്വഭേദഗതി നിയമത്തിനെതിരായ മുദ്രാവാക്യങ്ങളുമായി ഒത്തുകൂടി കനയ്യയുടെ ഉജ്ജ്വല പ്രസംഗത്തിന് കാതോർത്തു. ബിഹാറിന്റെ രാഷ്ട്രീയ ഭൂപടം മാറിമറിയുന്നുണ്ടെന്ന നിഗമനങ്ങൾ അക്ഷരാർത്ഥത്തിൽ ശരിവയ്ക്കുകയാണ് കനയ്യയുടെ യാത്ര കടന്നുപോകുന്ന ഓരോ വഴികളിലെയും ആൾക്കൂട്ടങ്ങൾ. മൂന്നാം ദിനത്തിൽ യാത്രയ്ക്കുനേരെയുണ്ടായ കല്ലേറിൽ വാഹനങ്ങൾക്ക് തകരാർ സംഭവിക്കുകയും ചില പ്രവർത്തകർക്ക് പരിക്കേല്ക്കുകയും ചെയ്തിരുന്നു.

ഗാന്ധി രക്തസാക്ഷി ദിനമായ ജനുവരി 30 ന് ബിഹാറിൽ പടിഞ്ഞാറൻ ചമ്പാരനിൽ മഹാത്മാഗാന്ധിയുടെ ആശ്രമത്തിൽ വച്ചാണ് കനയ്യയുടെ നേതൃത്വത്തിലുള്ള ഒരുമാസം നീണ്ടുനില്ക്കുന്ന ജനഗണമന യാത്ര പര്യടനം തുടങ്ങിയത്.

Eng­lish Sum­ma­ry: Kan­haiya jour­ney to the fifth day.

you may also like this video;