അമേരിക്കയിൽ കുടുങ്ങിയ ഇന്ത്യൻ പൗരന്മാരെ തിരികെ കൊണ്ടുവരണമെന്നാവശ്യപ്പെട്ട് ഹർജി

കോവിഡ് 19 വൈറസ് മൂലം ഇന്ത്യ ഗവൺമെന്റ് സ്വീകരിച്ച ട്രാവൻ ബാൻ അമേരിക്കയിൽ കുടുങ്ങി കിടക്കുന്ന ആയിരക്കണക്കിന് ഇന്ത്യൻ പൗരന്മാരെ സാരമായി ബാധിച്ചിട്ടുണ്ടെന്നും ഇവരെ ഇന്ത്യയിലേക്ക് തിരികെ കൊണ്ടുവരുന്നതിന് ഇന്ത്യാ ഗവൺമെന്റിനു ശക്തമായ നിർദേശം നൽകണമെന്നും ആവശ്യപ്പെട്ട് ഇന്ത്യൻ സുപ്രിം കോടതിയിൽ ലൊസ്യൂട്ട് ഫയൽ ചെയ്തു.

കോവിഡ് എന്ന മഹാമാരി അമേരിക്കയിൽ വ്യാപകമാകുന്നതിനാൽ സുരക്ഷിതമായി ഇന്ത്യൻ പൗരന്മാരെ ഉടൻ ഒഴിപ്പിക്കണമെന്നും ഇവർ ആവശ്യപ്പെട്ടു. വിഭ മക്കിജ (Vib­ha Makhi­ja) എന്ന അഭിഭാഷകയാണു സുപ്രീം കോടതിയെ സമീപിച്ചിരിക്കുന്നത്. എല്ലാ രാജ്യക്കാരും അവരുടെ പൗരന്മാരെ കൊണ്ടു പോകുന്നതിനുള്ള നടപടികൾ സ്വീകരിച്ചിട്ടും ഇന്ത്യാ ഗവൺമെന്റ് മാത്രം അനങ്ങാപ്പാറ നയം സ്വീകരിച്ചിരിക്കുന്നത് പൗരന്മാരോടുള്ള വെല്ലുവിളിയാണെന്ന് വിഭ പറയുന്നു.

ഇന്റർ നാഷണൽ, ഡൊമസ്റ്റിക് വിമാന സർവീസുകൾ, ഇന്ത്യ ഗവൺമെന്റ് ബാൻ ചെയ്തിരിക്കുന്നത് ഭരണഘടനാ ലംഘനമാണെന്നും ഇവർ ചൂണ്ടികാണിച്ചിട്ടുണ്ട്. മാർച്ച് 11 മുതൽ ഏർപ്പെടുത്തിയ ട്രാവൽ ബാൻ ഒസിഐ കാർഡുള്ള ഇന്ത്യൻ അമേരിക്കൻസ് എന്നതു തിരുത്തി ഇന്ത്യൻ നാഷണൽസ് എന്നാക്കി പിന്നീട് ഇന്ത്യ ഗവൺമെന്റ് വിജ്ഞാപനം പുറപ്പെടുവിച്ചിരുന്നു. അമേരിക്കയിൽ അകപ്പെട്ട ഇന്ത്യൻ പൗരന്മാരുടെ വീസ നീട്ടി കൊടുക്കുന്നതിനു കോൺസുലേറ്റും വാഷിങ്ടൻ ഇന്ത്യൻ എംബസിയും അടിയന്തിര നടപടികൾ സ്വീകരിക്കണമെന്നും ഇവർ ആവശ്യപ്പെട്ടിട്ടുണ്ട്.

Eng­lish Sum­ma­ry: Peti­tion in Supreme Court to evac­u­ate Indi­an cit­i­zens strand­ed in U S

YOU MAY ALSO LIKE THIS VIDEO