Web Desk

തിരുവനന്തപുരം

February 20, 2020, 11:46 am

മന്ത്രിമാർ തിരുപ്പൂരിലേയ്ക്ക്; എല്ലാ സഹായവും നൽകും, മെഡിക്കൽ സംഘത്തെ അയക്കും: മുഖ്യമന്ത്രി

Janayugom Online

കോയമ്പത്തൂരിനടുത്ത് അവിനാശിയിൽ കെഎസ്ആർടിസി ബസ്സും കണ്ടെയ്‍നർ ലോറിയും ഇടിച്ചുണ്ടായ അപകടത്തിൽ പരിക്കേറ്റവർക്ക് വൈദ്യ സഹായം ഉറപ്പാകുമെന്ന് മുഖ്യമന്ത്രി പിണറായി വിജയൻ. ആദ്യ പരിഗണന ചികിത്സ ലഭ്യമാക്കലിനാണ്.കോയമ്പത്തൂരിൽ നിന്ന് നാട്ടിലെത്താൻ താൽപര്യമുള്ളവരെ സഹായിക്കുമെന്നും മുഖ്യമന്ത്രി പറഞ്ഞു.

ദുരിതാശ്വാസ നടപടികൾക്ക് മേൽനോട്ടം വഹിക്കാൻ രണ്ട് മന്ത്രിമാരെ ഉടനടി തിരുപ്പൂരിലേക്ക് അയച്ചിട്ടുണ്ടെന്ന് മുഖ്യമന്ത്രി പിണറായി വിജയൻ. ഗതാഗതമന്ത്രി എ കെ ശശീന്ദ്രനും കൃഷി മന്ത്രി വിഎസ് സുനിൽ കുമാറും അൽപസമയത്തിനകം സ്ഥലത്ത് എത്തിച്ചേരും. പ്രത്യേക മെഡിക്കൽ ടീമിനെ അയക്കാൻ ആലോചിക്കുന്നുണ്ടെന്നും മുഖ്യമന്ത്രി വ്യക്തമാക്കി.

കോയമ്പത്തൂരിൽ മരണമടഞ്ഞ കെ എസ് ആർ ടി സി ജീവനക്കാർക്ക് വി എസ് സുനിൽകുമാർ മന്ത്രി ആദരാജ്ഞലികൾ അർപ്പിച്ചു.


ENGLISH SUMMARY: Pinarayi vijayan responds about the Coim­bat­ore accident

YOU MAY ALSO LIKE THIS VIDEO