July 2, 2022 Saturday

Latest News

July 2, 2022
July 1, 2022
July 1, 2022
July 1, 2022
July 1, 2022
July 1, 2022
July 1, 2022
July 1, 2022
July 1, 2022
July 1, 2022

ഷഹീന്‍ബാ​ഗില്‍ പൗരത്വ പ്രതിഷേധത്തിന് നേരെ വെടിവെയ്പ്പ് ; യുവാവ് കസ്റ്റഡിയിൽ

By Janayugom Webdesk
February 1, 2020

പൗരത്വ നിയമഭേദ​ഗതിക്കെതിരായി ഡല്‍ഹിയിലെ ഷഹീന്‍ബാ​ഗില്‍ നടക്കുന്ന പ്രതിഷേധത്തിന് നേരെ വെടിയുതിർത്ത യുവാവിനെ പൊലീസ് കസ്റ്റഡിയിലെടുത്തു. ദില്ലി സ്വദേശിയായ കപില്‍ ഗുജ്ജാര്‍ എന്നയാളെയാണ് പൊലീസ് പിടികൂടിയത്. സമരക്കാർ ഇരിക്കുന്ന വേദിക്ക് സമീപത്തുള്ള ജസോല ട്രാഫിക് ലൈറ്റിലാണ് വെടിവെയ്പ്പ് നടന്നത്. സംഭവത്തിൽ ആർക്കും പരിക്കുകളില്ല. ദിവസങ്ങള്‍ക്ക് മുമ്പ് ഷഹീന്‍ബാഗിലെ പ്രതിഷേധക്കാർക്കെതിരെ മുഹമ്മദ് ലുഖ്‍മാന്‍ എന്നയാള്‍ തോക്ക് ചൂണ്ടിയതിന് പിന്നാലെയാണ് പ്രതിഷേധക്കാർക്കെതിരെ വീണ്ടും ആക്രമണ സംഭവം ഉണ്ടായത്. പൗരത്വ നിയമത്തിനെതിരെ പ്രതിഷേധിക്കുകയായിരുന്ന ജാമിയ മിലിയ സര്‍വ്വകലാശാല വിദ്യാര്‍ത്ഥികള്‍ക്ക് നേരെയും ദിവസങ്ങള്‍ക്ക് മുമ്പ് വെടിവെപ്പ് നടന്നിരുന്നു.

പൗരത്വ നിയമ ഭേദ​ഗതിയില്‍ പ്രതിഷേധിച്ച്‌ കഴിഞ്ഞ 40 ദിവസങ്ങളായി ഷഹീന്‍ബാ​ഗില്‍ സ്ത്രീകളും കുട്ടികളും ഉള്‍പ്പെടെയുള്ളവര്‍ കുത്തിയിരുപ്പ് സമരം നടത്തിക്കൊണ്ടിരിക്കുകയാണ്. ഷഹീന്‍ബാ​ഗില്‍ പ്രതിഷേധം നടത്തുന്നവരുമായി കൂടിക്കാഴ്ച നടത്താന്‍ കേന്ദ്ര സര്‍ക്കാര്‍ തയ്യാറാണെന്ന് കേന്ദ്ര നിയമ മന്ത്രി രവിശങ്കര്‍ പ്രസാദ് അറിയിച്ചു.‘ഷഹീന്‍ ബാഗിലെ പ്രതിഷേധക്കാരുമായി സംസാരിക്കാന്‍ സര്‍ക്കാര്‍ തയ്യാറാണ്, പക്ഷേ അത് ഘടനാപരമായ രൂപത്തിലായിരിക്കണം. അവരുമായി ആശയവിനിമയം നടത്താനും പൗരത്വ നിയമ ഭേ​ഗദതിയെക്കുറിച്ചുള്ള അവരുടെ എല്ലാ സംശയങ്ങളും നീക്കാനും നരേന്ദ്ര മോദി സര്‍ക്കാര്‍ തയ്യാറാണ്,’ എന്നും രവിശങ്കർ പ്രസാദ് ട്വിറ്ററിലൂടെ പറഞ്ഞു.

Eng­lish Sum­ma­ry: Police caught young man who shot pro­test­ers in caa.

you may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.