Web Desk

കൊൽക്കത്ത

March 01, 2020, 9:44 pm

ജാദവ്പൂർ സർവകലാശാലയിലെ പോളണ്ട് വിദ്യാർത്ഥിയോട് രാജ്യം വിടാൻ നിർദേശം

Janayugom Online

ജാദവ്പൂർ സർവകലാശാലയിലെ പോളണ്ട് വിദ്യാർത്ഥിയോട് രാജ്യം വിടാൻ ഫോറിനർ റീജ്യണൽ രജിസ്ട്രേഷൻ ഓഫീസിന്റെ നിർദ്ദേശം. കൊൽക്കത്തയിൽ പൗരത്വ നിയമഭേദഗതിക്കെതിരെ നടന്ന പ്രതിഷേധത്തിൽ പങ്കെടുത്തതിന് തൊട്ടുപിന്നാലെയാണ് ഈ നിർദ്ദേശമെന്ന് സർവകലാശാല അധികൃതർ അറിയിച്ചു. നേരത്തെ വിശ്വഭാരതി സർവകലാശാലയിലെ ബംഗ്ലാദേശി വിദ്യാർത്ഥി അഫ്സര അനിക മീമിന് സമാന നിർദ്ദേശം നൽകിയിരുന്നു. പൗരത്വ ഭേദഗതി നിയമ വിരുദ്ധ സമരങ്ങളിൽ പങ്കെടുത്തതിന്റെ ഫോട്ടോകൾ ഇവർ സാമൂഹ്യമാധ്യമങ്ങളിൽ പങ്കുവച്ചതിന് തൊട്ടുപിന്നാലെയാണ് ഈ നിർദ്ദേശം. കമിൽ സെയ്ദ്സിൻസ്കി എന്ന പോളിഷ് വിദ്യാർത്ഥിയോടാണ് ഇപ്പോൾ രാജ്യം വിടാന്‍ നിർദ്ദേശിച്ചിരിക്കുന്നത്. നോട്ടീസ് കൈപ്പറ്റി രണ്ടാഴ്ചയ്ക്കകം രാജ്യം വിടണമെന്നാണ് നിർദ്ദേശം. വിദ്യാർത്ഥി വിസയിലെത്തിയ ഒരാൾ ഇത്തരം സമരങ്ങളിൽ പങ്കെടുക്കുന്നത് അനുകരണീയമല്ലെന്നാണ് അധികൃതരുടെ ഭാഷ്യം.

ENGLISH SUMMARY: Pol­ish stu­dent at Jadavpur Uni­ver­si­ty instruct­ed to leave the country

YOU MAY ALSO LIKE THIS VIDEO