പോപ്പുലർ ഫിനാൻസ് ഉടമയുടെ മക്കൾ ഡൽഹിയിൽ പിടിയിൽ

പോപ്പുലർ ഫിനാൻസ് തട്ടിപ്പുകേസിൽ ഉടമയുടെ രണ്ടുമക്കൾ പിടിയിലായി. ഡൽഹി വിമാനത്താവളം വഴി കടക്കാൻ ശ്രമിക്കവേ റിനു മറിയം തോമസ്, റിയ ആൻ തോമസ് എന്നിവരാണ് പിടിയിലായത്. റിനു സ്ഥാപനത്തിന്റെ സിഇഒയാണ്. റിയ ഡയറക്ടർ ബോർഡ് അംഗമാണ്. ഇവർക്കെതിരെ ലുക്കൗട്ട് നോട്ടീസ് പുറപ്പെടുവിച്ചിരുന്നു. അതേസമയം കോന്നി വകയാറിലുള്ള ആസ്ഥാനത്ത് ജപ്തി നടപടികൾ ആരംഭിച്ചു. നിക്ഷേപകർക്ക് ഈട് നൽകണമെന്നു കാട്ടി പത്തനംതിട്ട സബ് കോടതി സ്ഥാപനത്തിൽ നോട്ടിസ് പതിച്ചു.

രാവിലെ പത്തിനാണ് കോന്നി സിഐയുടെ നേതൃത്വത്തിലുള്ള സംഘം പരിശോധനയ്ക്കെത്തിയത്. തൊട്ടുപിന്നാലെ കോടതിയിൽ നിന്ന് ഉദ്യോഗസ്ഥരെത്തി നോട്ടിസ് പതിച്ചു. വിവിധ ജില്ലകളിൽ നിന്ന് പ്രതിഷേധവുമായി നിക്ഷേപകരും സ്ഥാപനത്തിനുമുന്നിൽ നിരന്നു. പണം കിട്ടാനുള്ളവർ സമരത്തിനിറങ്ങിയിരിക്കുകയാണ്. 2000 കോടിയിലേറെ രൂപയുടെ തട്ടിപ്പുനടത്തി എന്നാണ് പ്രാഥമിക കണ്ടെത്തൽ. വിവിധ സ്റ്റേഷനുകളിലായി മുന്നൂറിൽപ്പരം പരാതികളാണ് ലഭിച്ചിരിക്കുന്നത്.

Eng­lish sum­ma­ry; pop­u­lar finance case updates

You may also like this video;