സംസ്ഥാനത്ത് വൈദ്യുതി നിയന്ത്രണം പിൻവലിച്ചു. വൈദ്യുതി ലഭ്യതയിലുണ്ടായ കുറവ്‌ മറികടന്നതിനെ തുടർന്നാണ്‌ നിയന്ത്രണം പിൻവലിച്ചതെന്ന്‌ കെഎസ്ഇബി അറിയിച്ചു. കേന്ദ്രസർക്കാരിനോട്‌ കൽക്കരി ശേഖരം വർധിപ്പിക്കാൻ പ്രത്യേക ശുപാർശ നൽകണമെന്ന്‌ സംസ്ഥാന സർക്കാരിനോട്‌ കെഎസ്ഇബി അഭ്യർഥിച്ചു. 100 മെഗാവാട്ട്‌ കുറവുള്ള ബാൽകോയോട്‌ പരിഹാര നടപടി സ്വീകരിക്കാനും ആവശ്യപ്പെട്ടു.
അരുണാചൽ പ്രദേശ്‌ പവർ ട്രേഡിങ്‌ കോർപറേഷനിൽ നിന്നും 550 മെഗാവാട്ട്‌ കരാർ പ്രകാരമുള്ള വൈദ്യുതി നേരത്തെയുള്ളതിനെക്കാൾ താഴ്‌ന്ന നിരക്കിൽ വാങ്ങാൻ തീരുമാനിച്ചു. മേയ്‌ അഞ്ച്‌ മുതൽ ഇവിടെ നിന്നും വൈദ്യുതി ലഭ്യമാകും. പവർ എക്‌സ്ചേഞ്ച്‌ ഇന്ത്യ ലിമിറ്റഡ്‌ വഴി 17 രൂപ നിരക്കിൽ ലഭ്യമായ 100 മെഗാവാട്ട്‌ കൂടി കരാർ ചെയ്യാൻ ലോഡ്‌ ഡെസ്‌പാച്ച്‌ സെന്ററിനെ ചുമതലപ്പെടുത്തി. ഊർജ്ജ ഉപഭോഗം കൂടിയ വൈകിട്ട്‌ ആറ്‌ മുതൽ 11 വരെ വൈദ്യുതി ഉപകരണങ്ങൾ ഉപയോഗിക്കുന്നത്‌ പരമാവധി ഒഴിവാക്കണമെന്നും കെഎസ്ഇബി അഭ്യർത്ഥിച്ചു.
English Summary: Power regulation lifted in the state
You may like this video also
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.