Friday
13 Dec 2019

പ്രണയം

By: Web Desk | Sunday 28 July 2019 8:16 AM IST


രശ്മി എന്‍ കെ

പ്രണയം കരുതലിന്റെ
അവസാന വാക്കാണ്
പ്രിയപ്പെട്ടവളുടെ സന്തോഷത്തിനായി
സ്വയം നീക്കിവെക്കലാണ്
പ്രിയപ്പെട്ടവന്റെ വേവലാതികള്‍
ഒരു ചുംബനത്തില്‍
ഉരുക്കിക്കളയലാണ്
അതിനു കാട്ടുപൂവിന്റെ
നിര്‍മല ഗന്ധമാണ്
കാട്ടുതേനിന്റെ മത്തുപിടിപ്പിക്കുന്ന മധുരവും
കുരുതിക്കളത്തിലെ ചോരയുടെ മണമുള്ള
നിനക്ക്
എങ്ങനെയാണ് എന്റെ പ്രണയിയാവാന്‍ കഴിയുക?
അഗ്‌നിതാണ്ഡവമാടുന്ന നിനക്ക്
എങ്ങനെ എന്റെ പൂക്കളെ
വാടാതെ സൂക്ഷിക്കാനാവും?
നരകത്തിന്റെ മുഖമുള്ള
നിനക്ക്
പ്രണയം എന്ന് എങ്ങനെ പറയാനാകും?
പോവുക!
നീ ഉള്ളു തണുപ്പിച്ചു.
പ്രണയമായി വരിക….
റോസാപ്പൂപോലെ തുടുത്ത
കുഞ്ഞു പാദത്തെ
ചുംബിക്കുമ്പോല്‍
മൃദുലമായി
എന്നെ കൈക്കൊള്ളുക ..
എന്നെ കൊല്ലാതിരിക്കുക !