August 19, 2022 Friday

കോളറ ബാക്ടീരിയയുടെ സാന്നിദ്ധ്യം: പാനി പൂരിയ്ക്ക് നിരോധനം ഏര്‍പ്പെടുത്തി

Janayugom Webdesk
June 27, 2022 9:21 pm

നേപ്പാളിന്റെ തലസ്ഥാനമായ കാഠ്മണ്ഡുവില്‍ പാനി പുരി നിരോധിച്ചു. പാനി പുരിയിൽ ഉപയോഗിക്കുന്ന വെള്ളത്തിൽ കോളറ ബാക്ടീരിയയുടെ സാന്നിധ്യം കണ്ടെത്തിയെതിനെ തുടര്‍ന്നാണ് ലളിത്പൂർ മെട്രോപൊളിറ്റൻ സിറ്റി (എൽഎംസി) പാനിപുരി വില്പന നിരോധിച്ചത്. താഴ്‌വരയിൽ കോളറ പടരാൻ സാധ്യതയുണ്ടെന്ന് ചൂണ്ടിക്കാട്ടി ജനത്തിരക്കേറിയ സ്ഥലങ്ങളിലും ഇടനാഴി മേഖലയിലും പാനി പുരി വിൽപ്പന തടയാൻ മെട്രോപോളിസ് ആഭ്യന്തര തയാറെടുപ്പുകൾ നടത്തിയതായി മുനിസിപ്പൽ പൊലീസ് മേധാവി സീതാറാം ഹച്ചേതു പറഞ്ഞു.
കാഠ്മണ്ഡു താഴ്‌വരയിൽ ഏഴ് പേർക്ക് കൂടി കോളറ സ്ഥിരീകരിച്ചതോടെ ആകെ കോളറ രോഗികളുടെ എണ്ണം 12 ആയി ഉയർന്നതായി ആരോഗ്യ, ജനസംഖ്യാ മന്ത്രാലയം അറിയിച്ചു. രോഗബാധിതര്‍ ടെക്കുവിലെ സുക്രരാജ് ട്രോപ്പിക്കൽ ആൻഡ് ഇൻഫെക്ഷ്യസ് ഡിസീസസ് ആശുപത്രിയില്‍ ചികിത്സയിലാണ്. 

Eng­lish Sum­ma­ry: Pres­ence of cholera bac­te­ria: Panipuri banned

You may like this video also

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.