February 8, 2023 Wednesday

പത്മ അവാര്‍ഡുകള്‍ പ്രഖ്യാപിച്ചു

Janayugom Webdesk
ന്യൂഡല്‍ഹി
January 25, 2022 8:19 pm

പത്മ പുരസ്കാരങ്ങള്‍ പ്രഖ്യാപിച്ചു. നാല് മലയാളികള്‍ പത്മശ്രീ പുരസ്കാരത്തിന് അര്‍ഹരായി. ശങ്കരനാരായണന്‍ മേനോന്‍ ചുണ്ടയില്‍ (കായികം), ശോശാമ്മ ഐപ്പ് (മൃഗസംരക്ഷണം), പി നാരായണ കുറുപ്പ് (സാഹിത്യം-വിദ്യാഭ്യാസം), കെ വി റാബിയ (സാമൂഹികപ്രവര്‍ത്തനം) എന്നിവരാണ് പത്മശ്രീ പുരസ്കാരത്തിന് അര്‍ഹരായ മലയാളികള്‍. ഹെലികോപ്ടര്‍ അപകടത്തില്‍ മരിച്ച സംയുക്ത സൈനിക മേധാവി ജനറല്‍ ബിപിന്‍ റാവത്ത് പത്മവിഭൂഷണ്‍ പുരസ്കാരത്തിന് അര്‍ഹനായി.

റാവത്തിനെ കൂടാതെ പ്രഭ ആത്രെ(കല), രാധേശ്യാം ഖെംക (സാഹിത്യം), കല്യാണ്‍ സിങ്(പൊതുപ്രവര്‍ത്തനം-മരണാനന്തര ബഹുമതി) എന്നിവരും പത്മവിഭൂഷണ്‍ പുരസ്കാരത്തിന് അര്‍ഹനായി. മുതിര്‍ന്ന രാഷ്ട്രീയ നേതാക്കളായ ബുദ്ധദേബ് ഭട്ടാചാര്യയും ഗുലാം നബി ആസാദും ഉള്‍പ്പെടെ 17 പേരാണ് പത്മഭൂഷണിന് അര്‍ഹരായത്. ബുദ്ധദേവ് ഭട്ടാചാര്യ പുരസ്കാരം നിരസിക്കുന്നതായി അറിയിച്ചു.

വിക്ടര്‍ ബാനര്‍ജി, ഗുര്‍മീത് ബാവ, നടരാജന്‍ ചന്ദ്രശേഖരന്‍, കൃഷ്ണ എല്ല‑സുചിത്ര എല്ല, സൈറസ് പൂനെവാല, മധുര്‍ ജാഫെറി, ദേവേന്ദ്ര ജാജരിയ, റാഷിദ് ഖാന്‍, രാജിവ് മെഹര്‍ഷി, സത്യ നദെല്ല, സുന്ദര്‍ പിച്ചൈ, സഞ്ജയ രാജാറാം, പ്രതിഭ റേ, സ്വാമി സച്ചിദാനന്ദ്, വസിഷ്ഠ് ത്രിപാഠി എന്നിവര്‍ പത്മഭൂഷണ്‍ പുരസ്കാരത്തിന് അര്‍ഹരായി. 107 പേര്‍ക്ക് പത്മശ്രീ ഉള്‍പ്പെടെ ആകെ 128 പേര്‍ക്കാണ് പുരസ്കാരങ്ങള്‍ ലഭിച്ചത്.

Eng­lish sum­ma­ry :The Pad­ma Awards, the civil­ian awards, have been announced
you may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.