Web Desk

ന്യൂഡല്‍ഹി

April 03, 2020, 8:30 pm

ആശങ്ക അറിയിച്ച് രാഷ്ട്രപതി

Janayugom Online

കോവിഡ് വ്യാപന പ്രതിരോധ നടപടികള്‍ക്ക് തിരിച്ചടി നല്‍കിയ ആനന്ദ് വിഹാറിലെ കുടിയേറ്റതൊഴിലാളികളുടെ കൂട്ടം ചേരലിലും നിസ്സാമുദ്ദീനിലെ തബ്‌ലീഗ് ജമാഅത്തെ സമ്മേളനത്തിലും ആശങ്ക അറിയിച്ച് രാഷ്ട്രപതി. ഗവര്‍ണ്ണര്‍മാരുമായി രാഷ്ട്രപതിയും ഉപരാഷ്ട്രപതിയും ഇന്നലെ നടത്തിയ യോഗത്തിലാണ് രാം നാഥ് കോവിന്ദ് ഈ ആശങ്ക പങ്കുവച്ചത്.
രാഷ്ട്രപതി രാം നാഥ് കോവിന്ദും ഉപരാഷ്ട്രപതി വെങ്കയ്യാ നായിഡുവും ഗവര്‍ണ്ണര്‍മാരുമായും ലഫ്റ്റണന്റ് ഗവര്‍ണ്ണര്‍മാരുമായും അഡ്മിനിസ്‌ട്രേറ്റര്‍മാരുമായും ചര്‍ച്ച നടത്തി. രാജ്യത്തെ കോവിഡ് പ്രതിരോധ പ്രവര്‍ത്തനങ്ങളും അനുബന്ധ സ്ഥിതിഗതികളും അതത് ഗവര്‍ണ്ണര്‍മാര്‍ ചര്‍ച്ചയില്‍ മുന്നോട്ടു വച്ചു. മാര്‍ച്ച് 27ന് നടന്ന ചര്‍ച്ചയുടെ തുടര്‍ച്ചയെന്നോണം 21 പേരാണ് ഇന്നലെത്തെ വീഡിയോ കോണ്‍ഫ്രന്‍സിങ് യോഗത്തില്‍ പങ്കെടുത്തത്.