ലീഗല് മെട്രോളജി നിയമ പ്രകാരം മൂന്കൂട്ടി ലേബല് ചെയ്തിട്ടുള്ളതും പാക്ക് ചെയ്തതുമായ തൈര്, ലസി, ബട്ടര് മില്ക്ക് എന്നിവയ്ക്കുള്പ്പെടെ ഇന്നു മുതല് വില വര്ധിക്കും. അഞ്ചു ശതമാനം നിരക്കിലാണ് ഇവയ്ക്ക് ജിഎസ്ടി ഈടാക്കുക. നേരത്തെ ഇവയെ ജിഎസ്ടി പരിധിയില് നിന്ന് ഒഴിവാക്കിയിരുന്നു. ബാങ്ക് ചെക്ക്, ഭൂപടങ്ങള്, ചാര്ട്ട് തുടങ്ങിയവയ്ക്ക് വില വര്ധിക്കും.
ഐസിയു ഒഴികെയുള്ള ആശുപത്രി മുറിവാടകകളുടെ നികുതിയില് വര്ധനയുണ്ടാകും. ഒരു രോഗിക്ക് വേണ്ടിയുള്ള മുറിയ്ക്ക് ദിവസം 5000 രൂപയ്ക്ക് മുകളിലായാല് അതിന്റെ അഞ്ച് ശതമാനം ജിഎസ്ടി നല്കണം. 1000 രൂപയില് താഴെ ദിവസവാടക വരുന്ന ഹോട്ടല് മുറികള് 12 ശതമാനം ജിഎസ്ടിയുടെ പരിധിയിലാകും.
നിലവില് ഇത്തരം മുറികളെ ജിഎസ്ടി പരിധിയില് നിന്നും ഒഴിവാക്കിയിരുന്നു. എല്ഇഡി ലൈറ്റുകള്, ലാമ്പുകള് എന്നിവയ്ക്കും വില ഉയരും. ഇന്ന് മുതൽ തൈര്, മോര്, ലെസി എന്നിവയ്ക്ക് അഞ്ച് ശതമാനം വർധനയുണ്ടാകുമെന്ന് മിൽമ ചെയർമാൻ കെ എസ് മണി അറിയിച്ചു. കൃത്യമായ വില ഇന്ന് പ്രസിദ്ധികരിക്കുമെന്നും അദ്ദേഹം പറഞ്ഞു.
English summary;Price of packet products will go up in the country from today
You may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള് ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.