Web Desk

ഡൽഹി

March 05, 2020, 5:50 pm

കൊറോണ ഭീതി; മാർച്ച് 31 വരെ എല്ലാ പ്രൈമറി സ്കൂളുകളും അടച്ചിടും

Janayugom Online

കൊറോണ വൈറസ് ബാധയുടെ പശ്ചാത്തലത്തിൽ മാർച്ച് 31 വരെ പ്രൈമറി സ്കൂളുകൾ അടച്ചിടാൻ ഡൽഹി സർക്കാർ ഉത്തരവിട്ടു. കുട്ടികളിലേക്ക് അസുഖം പടരുന്നത് ഒഴിവാക്കാനാണ് നടപടി. കൊറോണ പടരുന്ന പശ്ചാത്തലത്തിൽ ബയോമെട്രിക് ഹാജർ സംവിധാനം താൽകാലികമായി നിർത്തിവെയ്ക്കാൻ വകുപ്പ് മേധാവികൾ, സ്വയംഭരണ സ്ഥാപനങ്ങൾ, മുൻസിപ്പൽ കോർപറേഷനുകൾ എന്നിവരോട് ഡൽഹി സർക്കാർ ആവശ്യപ്പെട്ടു. ഇത് സംബന്ധിച്ച സ്ഥാപനങ്ങൾക്കും കോർപ്പറേഷനുകൾക്കും സർക്കാർ കത്ത് അയച്ചിട്ടുണ്ട്.

ഇന്ത്യയിൽ കോവിഡ്-19 ബാധിതരുടെ എണ്ണം 30 ആയി. ബുധനാഴ്ച 22 പേർക്കാണ് പുതിയതായി ഇന്ത്യയിൽ കൊറോണ വൈറസ് ബാധ സ്ഥിരീകരിച്ചിരിക്കുന്നത്. രാജ്യതലസ്ഥാനത്ത് ഇറ്റലിയിൽ നിന്ന് വന്നയാളിലാണ് ആദ്യം രോഗബാധ കണ്ടത്.

ENGLISH SUMMARY: Pri­ma­ry schools closed until march 31 due to coro­na virus

YOU MAY ALSO LIKE THIS VIDEO