Web Desk

January 02, 2020, 7:51 pm

പ്രിയങ്കയ്ക്ക് യുപി പൊലീസിട്ട പിഴയടക്കാൻ കോൺഗ്രസ് പിരിവ് നടത്തുന്നു

Janayugom Online

ലഖ്നൗ: കോൺഗ്രസ് ജനറൽ സെക്രട്ടറി പ്രിയങ്ക ഗാന്ധി ഹെൽമറ്റില്ലാതെ സ്കൂട്ടറിന്റെ പിൻസീറ്റിൽ യാത്രചെയ്തതിന്റെ പിഴയടക്കാനുള്ള പണം പ്രവർത്തകരിൽ നിന്ന് പിരിച്ചു. ഹെൽമറ്റ് ഇല്ലാതെ യാത്ര ചെയ്തതിനും മറ്റു ഗതാഗത നിയമങ്ങൾ ലംഘിച്ചതിനുമാണ് യു പി സർക്കാർ 6100 രൂപ പിഴയിട്ടത്. പൗരത്വനിയമത്തിനെതിരെ സമരത്തിൽ പങ്കെടുത്ത് അറസ്റ്റിലായ മുൻ ഐപിഎസ് ഓഫീസർ എസ് ആർ ദാരാപുരിയുടെ ഉത്തർപ്രദേശിലെ വീട്ടിലേക്കു പോകുമ്പോഴാണ് യുപി പൊലീസ് പിഴയിട്ടത്. കോൺഗ്രസ് പാർട്ടിയുടെ പ്രാദേശികനേതാവായ ധീരജ് ഗുർജർ ഓടിച്ച സ്കൂട്ടറിന്റെ പിൻസീറ്റിലാണ് പ്രിയങ്ക ഗാന്ധി യാത്ര ചെയ്തത്. രാജ്ദ്വീപ് സിങ് എന്നയാളുടെയായിരുന്നു സ്കൂട്ടർ.

Eng­lish sum­ma­ry: Priyan­ka Gand­hi’s scoot­er journey:Up police fined for dis­obey­ing traf­fic rules

‘you may also like this video’