August 18, 2022 Thursday

Related news

August 18, 2022
August 17, 2022
August 17, 2022
August 10, 2022
August 9, 2022
July 28, 2022
July 19, 2022
July 16, 2022
July 15, 2022
July 15, 2022

നിയമസഭയിൽ ഗവർണറെ തടഞ്ഞ് പ്രതിഷേധം

Janayugom Webdesk
തിരുവനന്തപുരം
January 29, 2020 9:37 am

നയപ്രഖ്യാപന പ്രസംഗം നടത്താന്‍ നിയമസഭയിലേക്ക് എത്തിയ ഗവര്‍ണര്‍ ആരിഫ് മുഹമ്മദ് ഖാനെ തടഞ്ഞ് പ്രതിപക്ഷം. ഗവര്‍ണറെ സ്വീകരിക്കുന്ന ചടങ്ങിനിടെയാണ് പ്രതിപക്ഷം ഗോബാക്ക് വിളികളുമായി വന്‍ പ്രതിഷേധം ഉയര്‍ത്തിയത്. ഗവര്‍ണറെ സഭയിലേക്ക് കടക്കാന്‍ അനുവദിക്കാതെ പ്രതിപക്ഷത്തെ അംഗങ്ങള്‍ വഴിയില്‍ തടയുകയായിരുന്നു. ബാനറും പ്ലക്കാ‍ഡുമുയർത്തിയായിരുന്നു പ്രതിഷേധം. ആർ എസ് എസ് ഏജന്റ് ആരിഫ് മുഹമ്മദ്ഖാനെ തിരിച്ചു വിളിക്കണമെന്ന് ആവശ്യവും ഉന്നയിച്ചു. തുടർന്ന് സിഎഎക്കെതിരെയും ഗവർണർക്കെതിരെയുമുള്ള പ്രതിഷേധം അറിയിച്ച് പ്രതിപക്ഷം നയപ്രഖ്യാപന സമ്മേളനം ബഹിഷ്കരിക്കുകയായിരുന്നു.

മുഖ്യമന്ത്രി പിണറായി വിജയന്‍, സ്പീക്കര്‍ പി ശ്രീരാമകൃഷ്ണന്‍, നിയമമന്ത്രി എകെ ബാലന്‍ എന്നിവര്‍ക്കൊപ്പമാണ് ഗവര്‍ണര്‍ സഭയിലേക്ക് എത്തിയത്. ഗവര്‍ണറെ തിരിച്ച്‌ വിളിക്കണം എന്നാണ് പ്രതിപക്ഷത്തിന്റെ ആവശ്യം. നിയമസഭയുടെ ചരിത്രത്തില്‍ തന്നെ ആദ്യമായാണ് ഒരു ഗവര്‍ണര്‍ ഇത്തരത്തില്‍ വന്‍ പ്രതിഷേധം നേരിടുന്നത്. സഭയിൽ നിന്നിറങ്ങിയ പ്രതിപക്ഷം പുറത്തെ പ്രധാന കവാടത്തിൽ പ്രതിഷേധ സമരം തുടരുകയാണ്. നേരത്തെ സ്പീക്കറും പാർലമെന്റ് കാര്യ മന്ത്രി എ കെ ബാലനും പ്രതിപക്ഷാംഗങ്ങളെ പിന്തിരിപ്പിക്കാൻ ഇടപെടൽ നടത്തിയെങ്കിലും ഫലം കണ്ടില്ല. ഗവ.ചീഫ് വിപ് കെ രാജൻ പ്രതിപക്ഷ നേതാവ് രമേശ് ചെന്നിത്തലയുമായും സംസാരിച്ചു. എന്നിട്ടും ഗവർണർക്ക് വഴിയൊരുക്കാൻ പ്രതിപക്ഷം തയ്യാറായില്ല. പിന്നീട് വാച്ച്ആൻ്റ് വാർഡ്സ് എത്തി ബലം പ്രയോഗിച്ച് നീക്കുകയായിരുന്നു. പൗരത്വ നിയമഭേദഗതിയ്ക്ക് എതിരായ 18ാം ഖണ്ഡിക വായിക്കില്ലെന്ന് നേരത്തേ തന്നെ ഗവർണർ സർക്കാരിനെ രേഖാമൂലം അറിയിച്ചിരുന്നു. ഭരണഘടനാ ബാധ്യത നിറവേറ്റണമെന്നും പ്രസംഗം മുഴുവൻ വായിക്കണമെന്നും സർക്കാർ ഗവർണർക്ക് ഇന്നും കത്ത് നൽകിയിരുന്നു. തുടർന്നാണ് നയപ്രഖ്യാപന പ്രസംഗത്തിൽ ഇതുമായി ബന്ധപ്പെട്ട ഭാഗം ഗവർണർ വായിച്ചത്.

Eng­lish Sum­ma­ry: Protest against governor

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.