Web Desk

തിരുവനന്തപുരം

March 10, 2020, 2:46 pm

പിഎസ്‌സി പരീക്ഷകൾ മാറ്റി; ഇന്റർവ്യൂകൾ നടക്കും

Janayugom Online

സംസ്ഥാനത്ത് കോവിഡ് 19 പടർന്നു പിടിക്കുന്ന സാഹചര്യത്തിൽ പി എസ് സി പരീക്ഷകൾ മാറ്റി. മാർച്ച് 20 വരെയുള്ള എല്ലാ പി എസ് സി പരീക്ഷകളും മാറ്റിവെച്ചു. പി എസ് സി പരീക്ഷകൾക്കൊപ്പം സർട്ടിഫിക്കറ്റ് പരിശോധനയും മാറ്റി വെച്ചു. എന്നാൽ, നേരത്തേ നിശ്ചയിച്ച തീയതികളിൽ തന്നെ ഇന്റർവ്യൂകൾ നടക്കുമെന്ന് പി എസ് സി അറിയിച്ചു.

സംസ്ഥാനത്ത് കോവിഡ് 19 ബാധിച്ചവരുടെ എണ്ണം 12 ആയി ഉയർന്ന സാഹചര്യത്തിലാണ് സർക്കാരിന്റെ മുൻകരുതൽ. എല്ലാ വിദ്യാഭ്യാസ സ്ഥാപനങ്ങൾക്കും ഈ മാസം മുഴുവൻ അവധി പ്രഖ്യാപിച്ചു. ഏഴാം ക്ലാസ് വരെ വാർഷിക പരീക്ഷകൾ ഒഴിവാക്കി. ഈ മാസം 31 വരെ സിനിമ, നാടകം, കാണൽ ഒഴിവാക്കണമെന്ന് മുഖ്യമന്ത്രി പറഞ്ഞു. വിവാഹച്ചടങ്ങുകളിലും ആൾകൂട്ടം ഒഴിവാക്കണമെന്ന് സർക്കാർ നിർദേശിച്ചു.

ENGLISH SUMMARY: psc exams post­pond­ed due to corona

YOU MAY ALSO LIKE THIS VIDEO