Web Desk

December 19, 2019, 3:00 pm

ഉള്ളിക്ക് പിന്നാലെ ഉരുളക്കിഴങ്ങും: വില കുതിച്ചുയരുന്നു

Janayugom Online

ന്യൂഡൽഹി: ഉള്ളിവില കുതിച്ചുയർന്നതോടെ വിഭവങ്ങളിൽ നിന്നും ഉള്ളി അപ്രത്യക്ഷമാകാൻ തുടങ്ങിയിരുന്നു. ഇപ്പോഴിതാ ഉരുളക്കിഴങ്ങിനും വില വർദ്ധിച്ചിരിക്കുകയാണ്. 100 രൂപയ്ക്കു മുകളിൽ ഉള്ളി വില ഉയർന്നത് രാജ്യ വ്യാപക പ്രതിഷേധത്തിനിന്  വഴിവെച്ചിരുന്നു.

ഡൽഹിയിൽ കഴിഞ്ഞ വർഷത്തെ അപേക്ഷിച്ച് 75 ശതമാനം വർധനവാണ് ഉണ്ടായിരിക്കുന്നത്. 32 രൂപയ്ക്ക് ഡൽഹിയിൽ ഉരുളക്കിഴങ്ങ് ലഭിക്കുമ്പോൾ മറ്റ് നഗരങ്ങളിൽ ഇത് 40 നും 50നും ഇടയിലാണ്. പഞ്ചാബ്,യുപി,ബംഗാൾ എന്നിവിടങ്ങിൽ കാലം തെറ്റിപെയ്ത മഴയാണ് ഈ മാറ്റത്തിന് കാരണം. ഉള്ളി വില ഉയർന്നത് തന്നെ കേന്ദ്രത്തിന് തലവേദനയായിരിക്കുമ്പോഴാണ് ഉരുളക്കിഴങ്ങിനും വില കുതിച്ചുയരുന്നത്.

you may also like this video