ഷാ ഫൈസലിനെതിരെ പൊതു സുരക്ഷാനിയമം

Web Desk

ശ്രീനഗർ

Posted on February 15, 2020, 10:34 pm

ജമ്മുകശ്​മീർ മുൻ ഐഎഎസ്​ ഓഫീസറും പീപ്പിൾസ്​ മൂവ്മെന്റ് പാർട്ടി നേതാവുമായ ഷാ ഫൈസലിനെതിരെ പൊതു സുരക്ഷാനിയമം ചുമത്തി.
ക്രിമിനൽ ചട്ടം 107 പ്രകാരം കരുതൽ തടങ്കലിലാണ്​ ഷാ ഫൈസൽ​. ഓഗസ്​റ്റ്​ 14നാണ്​ അദ്ദേഹത്തെ കരുതൽ തടങ്കലിലാക്കിയത്​. നിലവിൽ അദ്ദേഹം ശ്രീനഗറിലെ എംഎൽഎ ഹോസ്​റ്റലിലാണ് കഴിയുന്നത്. വിചാരണ കൂടാതെ ആരെയും രണ്ടുവർഷം വരെ കസ്റ്റഡിയിൽ വയ്ക്കാൻ പൊലീസിന് അനുമതി നൽകുന്നതാണ് പൊതുസുരക്ഷാ നിയമം.
ജമ്മുകശ്​മീർ നേതാക്കളായ ഫാറുഖ്​ അബ്​ദുല്ല, ഉമർ അബ്​ദുല്ല, മെഹ്​ബൂബ മുഫ്​തി, അലി മുഹമ്മദ്​ സാഗർ, സർത്താജ്​ മദനി, ഹിലാൻ ലോൺ, നയിം അക്​തർ എന്നിവർക്കെതിരെയും നേരത്തെ തന്നെ ഈ നിയമം ചുമത്തിയിരുന്നു.
നാഷണൽ കോൺഫറൻസ്​ നേതാവ്​ ഉമർ അബ്ദുള്ളയെ പിഎസ്എ പ്രകാരം തടവിലിട്ടിരിക്കുന്നതിനെതിരെ സഹോദരി സാറാ അബ്ദുള്ള പൈലറ്റ് നൽകിയ ഹർജി സുപ്രീംകോടതിയുടെ പരിഗണനയിലാണ്​. വിഷയത്തിൽ സുപ്രീംകോടതി ജമ്മുകശ്മീർ ഭരണകൂടത്തോട് വിശദീകരണം ആവശ്യപ്പെട്ടിരുന്നു.