28 March 2024, Thursday

പുലരികൾ ഉദിക്കും

സുധിൻ സുധാകരൻ
October 2, 2022 7:25 am

ണ്ണുകൾ, അനശ്വര
വർണം വിതറും മന -
ക്കണ്ണുകൾ തുറക്കൂ നീ
മണ്ണിലെ കലാകാരാ
കർണങ്ങൾ, കാലത്തിൻ
പടഹധ്വനി കേൾക്കാൻ
കർണങ്ങൾ തുറക്കൂ നീ
വിശ്വത്തിൻ വിധാതാവേ
ദന്ത ഗോപുരമൊന്നിൽ
നീ സുഖസമൃദ്ധി തൻ
മുന്തിരിനീർ നുകർന്നു
കാലം കഴിക്കുന്നെന്നും
വെന്തുവെണ്ണീറാകുമീ
മർത്യന്റെ മനോദുഃഖ -
മെന്തെന്നോർക്കാതെ സ്വപ്ന
നിദ്രയിൽ നീയാണ്ടെന്നും
പരിഹസിച്ചു മൂഢ
ജന, മതു കേട്ടു നിൻ
ചിരി മങ്ങി, കണ്ണീരാൽ
മിഴികളാകെ മൂടി
അറിയാമെനിക്കു നി-
ന്നന്തരംഗത്തിനുള്ളിൽ
തിരി നീട്ടി നിൽക്കുമാ
ഭാവമയൂഖങ്ങളെ
അറിയാമെനിക്കു നിൻ
ചിന്തയിലൂറിക്കൂടും
അമരചൈതന്യത്തെ,
മധുരസങ്കല്പത്തെ
പരിത്രാതാവായ്തീരും
നാളെയീ ജഗത്തിന്റെ
പരിക്ഷത പക്ഷത്തിൽ
ചോരയായൊഴുകും നീ
വഴിയിൽ നിന്നശ്വത്തെ
തടയാനെത്തും പല
നിഴൽ രൂപങ്ങൾ, കൊടും
തമസ്സിൻ സന്തതികൾ
അവരെ ജയിക്കാൻ നീ
സൗരോർജ ശക്തി നേടൂ
അതിനായ് നിൻ തപസ്യ
അനുസ്യൂതം തുടരൂ
പുലമ്പട്ടെ ആരെന്തു
വേണമെങ്കിലും വൃഥാ
പുലരികൾ ഉദിക്കും
രാവെത്ര തടഞ്ഞാലും

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.