പുൽവാമ ഭീകരാക്രമത്തിൽ വീരമൃത്യു വരിച്ച ജവാൻ മേജർ വിഭൂതി ശങ്കർ ഡൗൻസിയാലിന്റെ ഭാര്യ നികിത കൗൾ സൈനികസേവനത്തിനൊരുങ്ങുന്നു.ഇതിനായുള്ള പരീക്ഷയും അഭിമുഖവും കഴിഞ്ഞ നികിത ഇപ്പോള്‍ സേനവിളിക്കുന്നതും കാത്തിരിക്കുകയാണ്. കേവലം പത്തുമാസത്തെ ദാമ്പത്യം മാത്രമാണ് നികിതയ്ക്കും വിഭൂതിയ്ക്കും വിധി അനുവദിച്ചത്. ഭര്‍ത്താവിന്റെ മൃതദേഹത്തിന് ജയ് ഹിന്ദ് പറഞ്ഞുകൊണ്ട് അന്തിമോപചാരം അര്‍പ്പിച്ച നികിതയുടെ വീഡിയോ കണ്ണീരോടെ രാജ്യം കണ്ടിരുന്നു.
പുരോഗമനചിന്താഗതിക്കുടമയായിരുന്ന വിഭൂതി ഉയരങ്ങളിലേക്ക് പറക്കാന്‍ എപ്പോഴും തന്നെ പ്രോത്സാഹിപ്പിക്കുമായിരുന്നുവെന്ന് ഭാര്യ പറയുന്നു. വിഭൂതിയോട് തനിക്കുള്ള സ്‌നേഹവും ബഹുമാനവും പ്രകടിപ്പിക്കാനുള്ള ഏറ്റവും മികച്ച മാര്‍ഗമെന്ന നിലയിലാണ് സൈനികസേവനം തിരഞ്ഞെടുത്തതെന്ന് നികിത കൗള്‍ കൂട്ടിച്ചേര്‍ത്തു. വിഭൂതിയുടെ അമ്മ സരോജ് ഡൗന്‍ഡിയാല്‍ പിന്തുണയുമായി ഒപ്പമുണ്ടെന്ന നികിത അറിയിച്ചു. സരോജിനൊപ്പമാണ് നികിത ഇപ്പോള്‍ താമസിക്കുന്നത്.
ENGLISH SUMMARY: Pulvama brave heart join to army
YOU MAY ALSO LIKE THIS VIDEO
