Web Desk

പൂനെ

January 30, 2020, 10:52 am

ട്രാഫിക്ക് നിയമം ലംഘിച്ച യുവാവിന് കിട്ടിയത് മുട്ടൻ പണി

Janayugom Online

ട്രാഫിക് ചട്ടങ്ങൾ മറികടന്ന് ബൈക്കുമായി റോഡിലെത്തിയ ഫ്രീക്കൻ യുവാവിന് കുറിക്കുകൊള്ളുന്ന മറുപടിയുമായി പൂനെ ട്രാഫിക് പൊലീസ്. നിയമവിധയമല്ലാത്ത നമ്പർ പ്ലേറ്റും ഹെൽമെറ്റും ഇല്ലാതെ യുവാവ് ഇരുചക്രം ഓടിക്കുന്ന ചിത്രമാണ് സമൂഹമാധ്യമങ്ങളിൽ വൈറലായത്. നമ്പർ പ്ലേറ്റിന്റെ കൂടെ ‘ഖാൻ സഹാബ്’ എന്ന എഴുത്തും കീരിടവുമാണ് ഉൾപെടുത്തിയിരിക്കുന്നത്. 1989ലെ മോട്ടോര്‍ വാഹന നിയമങ്ങള്‍ അനുസരിച്ച് നമ്പറല്ലാതെ വേറെ ഒന്നും നമ്പര്‍ പ്ലേറ്റില്‍ എഴുതുന്നത് അനുവദനീയമല്ല. ഇത് ലംഘിക്കുന്നത് ശിക്ഷാര്‍ഹമാണ്. ഫേസ്ബുക്കിലും ട്വിറ്ററിലും ഖാൻ സഹാബ് വൈറലായതോടെ യുവാവിന് കുറിക്കുകൊള്ളുന്ന മറുപടിയാണ് പൂനെ ട്രാഫിക് പോലീസ് നൽകിയത്. മറുപടി നൽകാൻ മാത്രമല്ല നമ്പര്‍ ഉപയോഗിച്ച് യുവാവിനെ കണ്ടുപിടിച്ച് പിഴ ശിക്ഷയും നല്‍കാന്‍ പൂനെ ട്രാഫിക് പൊലീസ് മറന്നില്ല.

ഖാന്‍ സാഹിബിന് കൂള്‍ ആവണമായിരുന്നു

ഖാന്‍ സാഹിബിന് ഹെയര്‍സ്റ്റൈല്‍ കാണിക്കണമായിരുന്നു

ഖാന്‍ സാഹിബിന് ഹിറോ ബൈക്ക് ഓടിക്കണമായിരുന്നു

എന്നാല്‍ ഖാന്‍ സാഹിബിന് നിയമം അനുസരിക്കാന്‍ അറിയില്ല

ഇങ്ങനെ പോയാല്‍ എങ്ങനെയാവും എന്നായിരുന്നു പൂനെ ട്രാഫിക്ക് പൊലീസിന്റെ മറുപടി.

Eng­lish sum­ma­ry: Pune polices hilar­i­ous reac­tion to num­ber plate with sticker

YOU MAY ALSO LIKE THIS VIDEO